築地EbiKin拉麵 (已結業)

星期日去PMQ，想去嘅几间餐厅都冇开，朋友话好耐冇食拉面，就入咗呢度试下。叫咗大虾汤面，可以拣虾汤或者猪骨汤，咁我当然拣前者啦。面一黎到就饮啖汤先，有虾嘅甜味，但比起一虎嘅海老虎汤面淡好多，温度亦唔够热。至于面，要了硬嘅幼面，煮得啱啱好，系我想要嘅，挂到汤汁！配料嘅大虾有羔而且几爽甜；厚切嘅豚肉好爽唔油腻，但唔知系咪师傅将佢用焗炉焗完就放喺面上面，我觉得啲肉同碗汤面有种分离感，唔够match；糖心蛋中规中矩；葱段有齐大细两种，都几少有，而且令个汤头香d；贡菜咸咸爽爽同个汤都几夹。我对汤头嘅要求好高，所以呢碗面味道只系合格，但价钱唔平，所以到此一游就够喇。