築地EbiKin拉麵 (已結業)

I come here whenever I dont feel like eating a lot. This place is under the escalator to Soho.They have several choices of soup (pork bone/ prawn) and ramen (thick/thin/hard/soft) to choose from and you can add ingredients as you please (addtional noodles/egg/seaweed/cha siu/prawn). Had the Prawn Soup Ramen ($110) today. The Soup is awesome, not too salty, and despite only one, prawn was also pretty decent too. Recommended.

第一次食，抱住試既心態夏天成三十幾度，好需要凍水，但冰機壞左，得熱茶。 豬骨湯底，個湯底咸，但唔夠豬骨味。超級多蔥，肉好吃 。淋度剛剛好 ! 蝦湯底下次可以一試，成間鋪都好香。

星期日去PMQ，想去嘅幾間餐廳都冇開，朋友話好耐冇食拉麵，就入咗呢度試下。叫咗大蝦湯麵，可以揀蝦湯或者豬骨湯，咁我當然揀前者啦。麵一黎到就飲啖湯先，有蝦嘅甜味，但比起一虎嘅海老虎湯麵淡好多，溫度亦唔夠熱。至於麵，要了硬嘅幼麵，煮得啱啱好，係我想要嘅，掛到湯汁！配料嘅大蝦有羔而且幾爽甜；厚切嘅豚肉好爽唔油膩，但唔知係咪師傅將佢用焗爐焗完就放喺麵上面，我覺得啲肉同碗湯麵有種分離感，唔夠match；糖心蛋中規中矩；蔥段有齊大細兩種，都幾少有，而且令個湯頭香d；貢菜鹹鹹爽爽同個湯都幾夾。我對湯頭嘅要求好高，所以呢碗麵味道只係合格，但價錢唔平，所以到此一遊就夠喇。

去過呢間店舖幾次, 佢地當然有令人滿意同需改善的地方.但總體來講都好好.滿意地方:- 蝦湯底放足料, 特別係個蝦肉湯拉麵, 好新鮮! - 麵條粗幼同硬度可任意選擇- 炸蠔好吃- 好靜, 無論11:30am 或 6pm來都冇咩人需改善地方: - 物價太貴. 一碗拉麵都要起碼$80 到 $110 (不過在中環食野都差5多要呢個價錢)- 冇咩更多湯麵(只有蝦湯同豬骨湯拉麵)同小食選擇希望佢地從以上可以做出改善啦, 好食嘅拉麵店舖認真5係好多!

本來想去蘇豪食越南粉，點知撞正公司高層，薯蓉隊長為免食到周身唔志在，於是行落d繼續搵食，見到對面馬路有間紅噹噹既餐廳，好搶眼，於是衝左入去食。被安排坐係bar檯，見到眼前有幾棵寫住「博多蔥」，咦！叫個香蔥拉麵先，本來想食豬骨湯拉麵，不過落單時，侍應講左句「我地呢到出名食蝦湯，要唔要試下？」好啦，轉駄食蝦湯！碗麵一放係面前已經聞到好大陣蝦味，而且碗麵比我想像中多蔥，鍾意食蔥既就覺得好正，因為可以啖啖湯都有蔥，飲一啖湯，入口已經好大陣蝦味，不過佢就唔係濃湯果種好杰身既質地，所以雖然第一啖好濃蝦味，過左陣已經好似無晒味。要讚一讚個麵，我揀左普通麵身，煮得剛好，唔好過硬/太軟，而且無皂水味（係呀，試過食一碗勁種皂水味既日本拉麵😰）同埋佢個湯都唔係好油，唔會食完好滯。原來佢有杯麵出，不過唔知香港店有無得賣呢？

今日中午途經這間拉麵店,見佢圖片幾吸引咪入去試下,我點左個豚肉拉麵豬骨湯底,全程我都係睇住點整,十分好笑D煮拉麵員工好似唔知自己做緊乜,互相提示點整加咩又欠咩材料,好好笑我估差不多要關門有這些員工,你見佢地煮野態度姿勢就知係煮開雲呑麵既師傅,我同朋友真係笑左,講番碗麵得一塊超薄叉燒一堆筍一隻玉子D麵好明顯係機做無麥香,個湯第一啖係幾濃飲多兩啖唔多對路,頸喝既原來味精湯嚟,我係嗰到飲原三杯水都重喝咁既質素就唔好開嚟害人啦。

某日看見某本雜誌介紹蝦湯底拉面, 零舍懷念, 因以前食過盛八的, 濃蝦湯底, 至今也嘗不回來見這間它試食第一名, 就立即衝去試試, 點知......期望大, 價位正路, 合理, 葱拉面 : ok, 葱不辣, 帶點甜, 夠份量減輕油膩, 叉燒合格, 湯底有點點蝦, 不夠濃香, 雜味多了點, 麵還有點鹼水味....甩水不夠大蝦拉面 : 湯底同樣少少蝦味, 蝦肉乾身, 不夠juice, 急凍野.....麵鹼水味仍在, 有待加強

從雜誌中知道東京有名嘅海老拉麵在香港開咗分店，所以約埋愛食蝦嘅朋友仔去試一試。踏進小店已俾湯底嘅香味吸引。如一般傳統拉麵店，餐牌選舉不多，只有小店拿手拉麵。㸃了有名嘅海老拉麵是不二之選。湯底有別於港人喜愛嘅豬骨濃湯，所有湯都用上大量蝦頭餚制，沒有那些膠口感覺，香濃度又不比豬骨湯遜色。大大隻海老賣相十分吸引。麵有粗幼可選擇，我不想湯汁太掛麵，所以捒咗幼麵。香濃蝦場配上適量嘅萬能蔥，實在美味。另外還㸃了小香腸和餃子兩個小食，食材選擇和味道相當不錯

逛完MILK MART III，向蘇豪方向走找地方吃晚飯，結果光顧了店面紅噹噹的築地EbiKin拉麵，Ebi日文即是蝦。看餐牌上的價錢好像有點貴，但原來免收加一服務費，所以其實跟一般拉麵店差不多。蟹湯拉麵暫停供應，跟蝦子餅一人一碗海老拉麵($110)。上面那幅相拍不到雞肉，所以再拍一張。蝦湯非常鮮甜，據說每天用上40公斤蝦頭來煮湯，還有甜蝦、豬蹄、雞腳和蔬菜，真材實料熬出來，難怪這麼鮮甜香濃。日本拉麵多數配叉燒，這裡用上雞胸肉，吃起來沒那麼肥膩。聽到鄰座的太太說北海道牛乳布丁($30)十分好吃，蝦子餅也給窩夫點了一個，牛奶味很香，布丁滑滑的，真的很好吃。

小編曾經黎過未改名前既 無名拉麵，食過蟹湯拉麵。諗住今次同友人再試。只見餐牌蟹湯拉麵一項被刪除，唔知係暫時斷貨定以後唔出，小編無再深究。小編原本點左沾面，但賣曬，所以改左做xxx金赤拉麵。面質揀左硬，麵條就揀左粗麵。小編坐係吧枱，估見到成個拉麵既製作過程。豚拖羅先放入焗爐焗一陣，再放係拉麵表面，食落幾香，櫻花蝦數量都偏多，唔錯，麵質真係做到要求，係硬麵。湯底偏濃，但太辣，一直食拉麵既話只會食到辣味而食唔到蝦既味，淨飲湯又會太油膩。太多味精了，食完碗麵飲了兩杯水仍覺得口渴。小編同友人另外貼了一碟餃子，餃子係反轉 底向天，餃子唔知係咪即煎，只係暖暖地，咬開連白煙都無乜。。。。希望店員唔好再用夾材料既夾，夾客人用作落單既餐紙。。。小編見到之後十分驚訝

中環放工收夜，想醫肚唔知食乜好，行過拉麵店見到好似唔錯就試下！蟹湯拉麵 $95 蟹湯幾特別，不過無哂糖心蛋..... 真係唔好彩，好唔開心味道就ma ma day麵豉拉麵 $90 麵質可選，軟/適中/硬，粗/幼可按個人喜好選擇但係個湯真係好咸,仲好油

午餐路過沒人等候即管一試，二人點了麵豉拉麵、海老拉麵和豬腸煮物，感覺失望，因為麵有重重的鹼水味！！！蝦湯頭一兩口味道還可，但當麵條拌了一會，連湯也有一點鹼水味，同行朋友吃了一半，受不了那味道放棄了半碗。蝦的肉質結實，但不算很鮮味。豬腸煮物還可，入味和夠稔，一致認為是點到的當中最好味。

之前有唔少報導話呢間出名有濃蝦湯底，鍾意食拉麵的我就一早十一點幾到驚要位等麻。去到有幾個人到，唔駛等。叫左個出名蝦拉麵同沾麵，都唔平$110同樣100。因為咁貴所以好大期望，拉麵最要係湯底，先講蝦拉麵，好大陣鹼水味，好似食緊雲吞麵咁，味道淡，如果以用咁多蝦都咁淡真係有點問題。另外油又多，食完感覺好油膩。而沾麵選左粗麵，雖然湯比蝦濃但都係淡，麵完全沾唔到湯味，以咁價錢真係唔值。我同朋友都話好似食雲吞麵咁，唔會再黎試。

在下係蝦迷， 可以話無蝦不歡，聽到有蝦湯拉麵，即刻衝去試試佢！熊本雞肉腸 $38佢話用咗【天草大王地雞】，雖然唔知係咩，所以都試試。 好香，有啲似台灣小食啲腸仔咁。 要落去o個下，啲肉汁必到枱面都係，哈哈！ 幾香，幾得意。吉列蠔 $45ok 鮮味，唔腥冇雪味。脆漿剛剛好，麵包糠夠脆唔會太厚，唔會脆漿同蠔分開晒咁。餃子 $35基本上每次食拉麵，如果有餃子我地都會叫。呢個餃子相對比較麻麻... 餡料唔夠豐富，塊麵粉脆皮唔脆... 海老拉麵 $110話明蝦湯裡面係招牌，梗係要試。裡面有蝦、雞肉、蛋、蔥、萵筍同乾蔥頭。 湯呈咖啡色，飲落去有啲似新加坡食到o個種蝦麵，但冇啲胡椒味，呢個冇咁濃。 ok，不過不失，但冇我想像中咁濃蝦味，不過我都飲曬啲湯。拉麵同一般拉麵店食到o既差唔多，值得一讚啲雞肉，好味，唔肥。朋友話有啲雪味，我又食唔出。估唔到佢配有萵筍，香港好少食店會用，好爽口。金沾麵 $100裡面有櫻花蝦、雞肉、蛋、蔥、萵筍同紫菜。麵質好彈牙！濃湯蝦味唔算濃，好似湯麵仲濃啲。特別配要一個保暖壺，等你食完沾麵，加熱水去啲濃湯變湯飲。總結: 作為蝦迷，我期待佢啲蝦湯會再濃啲，不過香港唔係好多日本拉

海鮮中，我對蝦情有獨鍾。當拉麵還上蝦，我更是沒有抗拒的理由。最近從友人口中得知，來自築地，主打蝦湯的築地えび金來港開設分店，標榜每碗湯均以70隻蝦頭餚出。完全是我喜歡的類型，加上人在中環，實在沒有不試之理。這天中午，就獨自一人沿著扶手電梯，來到荷里活道朝聖。來到荷理活道，才發現原來這裡前身是無名拉麵。之前還沒試過無名拉麵，因為幾位朋友都告訴過我無名拉麵不算特別，不用特地去試。不得不佩服友人的味覺，時間證明一切，今天才知道原來無名拉麵已經靜悄悄的結業了。細看餐牌，奇怪為甚麼上面所寫的只是「50尾分」，是店方印錯？還是真的攪錯？如果香港的蝦隻沒有日本的鮮美，所以要多用一些我也可以理解，但這類低級錯誤，應該是可以避免的吧。店內只有七款拉麵選擇，其中六款是拉麵，一款是沾麵。友人說這裡最好吃的是えび金沾麵，所以我也選這款，他的口味，我絕對相信。拉麵配料大部份都預先設定好，能選的只是麵條種類和硬度，在下單紙選好，就交給店員了。沾麵來到，盤子上有一個暖水壺，店員跟我說這是「滾水」，吃完麵後，倒進沾麵汁，就可再喝湯。還以為是自己聽錯，把蓋子打開，真的不是雞湯，而是貨真價實的滾水，心中已經涼了一截…先放