影片
更多
2020-10-30
150 浏览
喺呢到开咗个Account好耐，但一次都冇写过，估唔到一写就系负评😂话说有个到朋友特登入嚟元朗同我去睇向日葵花🌻，身为元朗人嘅我，一心谂住要尽地主之谊，带佢去食好嘢。🙈我知道我朋友好钟意食蛋🥚，咁岩见到呢间餐厅好多人都话好食又大份，所以就拣咗呢间餐厅试下.....我哋晚上6点零钟左右就到左呢间餐厅，可能𠮶日系假期关系，再加上店舖好细，系半开放式餐厅，目测得20-30个坐位左右，好在我哋等咗三四个字就可以入.....呢间餐厅系标榜使用日本空运到港的冲绳鸡蛋制作蛋既食物🥚🍳我哋2个人一共叫左3款食物，包括：炖牛肉蛋包饭🍛、招牌玉子烧🍳、芝士筷子烧🧀🥢同2杯饮品🥤炖牛肉蛋包饭好快就到左，好似预先整定既感觉🙈 就咁睇卖相不错，但食落就大失所望⋯⋯1️⃣首先，个蛋包饭系唔热嘅，得微暖而个饭唔似系用日本珍珠米，无烟靭感，重有啲湿，似系焗咗好耐😟而个滑蛋系无蛋香味，唔讲都唔知系食紧日本冲绳蛋🥚😅至于炖牛肉方面，佢咬落去系淋既，但冇咩牛肉味，而烧牛肉汁就系一般甜甜地牛肉汁既味道成个饭睇落好似好大份，但其实系正常份量，只系𠮶碟大2️⃣而招牌玉子烧同芝士筷子烧都好普通，一样都系冇咩蛋味，特别系玉子烧佢一共有六个味
话说有个到朋友特登入嚟元朗同我去睇向日葵花🌻，身为元朗人嘅我，一心谂住要尽地主之谊，带佢去食好嘢。🙈
我知道我朋友好钟意食蛋🥚，咁岩见到呢间餐厅好多人都话好食又大份，所以就拣咗呢间餐厅试下.....
我哋晚上6点零钟左右就到左呢间餐厅，可能𠮶日系假期关系，再加上店舖好细，系半开放式餐厅，目测得20-30个坐位左右，好在我哋等咗三四个字就可以入.....
呢间餐厅系标榜使用日本空运到港的冲绳鸡蛋制作蛋既食物🥚🍳
我哋2个人一共叫左3款食物，包括：炖牛肉蛋包饭🍛、招牌玉子烧🍳、芝士筷子烧🧀🥢同2杯饮品🥤
炖牛肉蛋包饭好快就到左，好似预先整定既感觉🙈 就咁睇卖相不错，但食落就大失所望⋯⋯
1️⃣首先，个蛋包饭系唔热嘅，得微暖
而个饭唔似系用日本珍珠米，无烟靭感，重有啲湿，似系焗咗好耐😟
而个滑蛋系无蛋香味，唔讲都唔知系食紧日本冲绳蛋🥚😅
至于炖牛肉方面，佢咬落去系淋既，但冇咩牛肉味，而烧牛肉汁就系一般甜甜地牛肉汁既味道
成个饭睇落好似好大份，但其实系正常份量，只系𠮶碟大
2️⃣而招牌玉子烧同芝士筷子烧都好普通，一样都系冇咩蛋味，特别系玉子烧
佢一共有六个味道，但个味道同个蛋都唔系话好夹，有啲就过咸，有啲就好甜，感觉有啲求其😅
例如佢其中一个系蕃茄味嘅玉子烧🍅，佢就系玉子烧上面加啲番茄酱就算，玉子烧入面系冇包住任何蕃茄蓉或者粒😂⋯⋯
3️⃣最离谱系杯嘢饮，我叫咗杯「巨峰可尔必思梳打」，正常可尔必思其实就系有少少乳酸味嘅汽水，好多日本既supermarket都有得卖，无咩调配技巧可言⋯⋯
而佢系呢杯嘢就系冇咩味道，一啲乳酸味都冇，似系加咗好多水稀释咗既巨峰饮品，得少少巨峰提子味，就连梳打水既汽都冇乜，重要$38/杯，我宁愿饮水😫
另外，我朋友叫咗杯冻嘅水果茶，虽然有好多水果，但系都系冇咩味，饮落系有啲水果味嘅水，盛惠$48/杯 （唔记得影相📸️）
呢餐一共食咗$385连加一（一个主食、两个小食、2杯饮品）
本身重谂住叫个疏乎厘pancake做甜品，但食完咸食之后完全冇想叫既意欲😑所以最后就埋单走人🏃🏻♀️
总结而言，呢间餐厅嘅嘢食同价格唔成正比，味道麻麻而又偏贵，呢个价钱可以有其他更好的选择
p.s. 其实唔系好明点解有咁多食评都话佢好食又大份，其实真系好麻麻😔
芝士明太子筷子卷
$38
2 浏览
0 赞好
0 留言
巨峰可尔必思梳打
$38
22 浏览
0 赞好
0 留言
Tamagotchi-EN 特制五款玉子串烧
$68
17 浏览
0 赞好
0 留言
炖牛肉蛋包饭
$118
8 浏览
0 赞好
0 留言
张贴
