影片
更多
2021-10-24
682 浏览
地址：太古太古城太丰路3号金星阁G1018号舖推荐度（10👍🏻满）：7👍🏻滴汗度（10😅满）：不适用衞生（10⭐️满）：7⭐️环境（10⭐️满）：8⭐️味道（10⭐️满）：7⭐️价钱（10⭐️满）：7⭐️服务（10⭐️满）：7⭐️地点（10⭐️满）：6⭐️今次介绍呢间，系太古城入面住宅区嘅拉面舖，以前曾经行过两三次，但咁岩都撞正晏昼食饭时间排晒长龙，因为佢舖头面积唔系好大，咁啱今日早咗过去，试吓去睇吓，又可能因为都开咗好一段时间，所以去到都冇乜人，亦唔使排队。入面舖头都比较细，最多可以我谂坐10-20人左右。入到去都系喺门口量体温，同埋写纸仔。比较特别嘅系留意到佢有三把坐地嘅风扇😅，但就冇开嘅只系放咗喺度，唔知系咪因为之前试过冇冷气呢？不过佢嘅环境都好有日本居酒屋拉面店嘅feel几好。讲返食物先，有几款唔同嘅拉面，小食就唔算好多款五六样左右啦。拉面都系正常价位$70至$90左右一碗。而今次叫咗我最钟意嘅沾面，同埋比较特别嘅混面（第一次听，原来系捞面咁解）都几特别。炸鱿鱼 （$38）枱头有介绍两款特别小食，系炸鱿鱼须同埋日本支豆，我哋就拣咗炸鱿鱼。但佢喺个面面未嚟嘅时候，就嚟咗个炸物俾我先，心谂会唔会系炸定即刻
地址：太古太古城太丰路3号金星阁G1018号舖
推荐度（10👍🏻满）：7👍🏻
滴汗度（10😅满）：不适用
衞生（10⭐️满）：7⭐️
环境（10⭐️满）：8⭐️
味道（10⭐️满）：7⭐️
价钱（10⭐️满）：7⭐️
服务（10⭐️满）：7⭐️
地点（10⭐️满）：6⭐️
今次介绍呢间，系太古城入面住宅区嘅拉面舖，以前曾经行过两三次，但咁岩都撞正晏昼食饭时间排晒长龙，因为佢舖头面积唔系好大，咁啱今日早咗过去，试吓去睇吓，又可能因为都开咗好一段时间，所以去到都冇乜人，亦唔使排队。
入面舖头都比较细，最多可以我谂坐10-20人左右。入到去都系喺门口量体温，同埋写纸仔。比较特别嘅系留意到佢有三把坐地嘅风扇😅，但就冇开嘅只系放咗喺度，唔知系咪因为之前试过冇冷气呢？不过佢嘅环境都好有日本居酒屋拉面店嘅feel几好。
讲返食物先，有几款唔同嘅拉面，小食就唔算好多款五六样左右啦。
拉面都系正常价位$70至$90左右一碗。
而今次叫咗我最钟意嘅沾面，同埋比较特别嘅混面（第一次听，原来系捞面咁解）都几特别。
炸鱿鱼 （$38）
枱头有介绍两款特别小食，系炸鱿鱼须同埋日本支豆，我哋就拣咗炸鱿鱼。
但佢喺个面面未嚟嘅时候，就嚟咗个炸物俾我先，心谂会唔会系炸定即刻俾我呢？
但竟然，有惊喜，佢系炸得唔错嘅鱿鱼须，够趣口又够味，仲要系好似即叫即炸添。
黑蒜油沾面 （$82）+味蛋 （$12）
黑酱油拉面幅图入面汤系比较黑色，但嚟到之后，似系将原味𠮶只滴左几滴黑色嘅蒜油落去，同想像中有少少落差，而且蒜香味唔算话系好浓，更加似原味，佢嘅酱汁唔系杰身话挂汤𠮶种，不过都好够味。
佢有够食面嘅三部曲，最后我都有问店员加少少木鱼汤，试下饮咗两啖，不过加左汤都比较浓味，之后就冇饮埋落去啦。
咖喱混面 （$78）
混面呢样嘢，真系有惊喜，之前从来未试过。佢系龙龙片浓浓嘅酱汁捞拉面上边有一只生蛋，咖喱味好浓，而且因为有蛋浆所以捞完之后唔会话好干好滑身。呢只咖喱汁系带辣嘅，四入口嘅时候有好香嘅咖喱味，但系个后劲亦都好凌厉，对于唔系好食辣嘅我都好刺激，但系又非常惹味。
注：虽然唔知佢有冇味精，但食完之后个口比较干，好想饮水或者有气野饮。但总括而言，佢个面都系好味嘅。
张贴
