616牛肉火鍋專門店 (星峰薈) (已結業)

呢排好想疯狂食牛，616可以试尽好多唔同牛部位。呢到嘅酱料选择多，有好香嘅葱头酱同牛汁，岩晒我打边炉好著重酱料嘅人。信州和牛 羽下肉日本直送！呢款肉系自于牛嘅肋骨第一至第五节间，系肩胛部嘅精华部位，油花分布均匀，有肉嘅口感同时又有脂肪嘅油香。牛舌薄薄嘅牛舌好肥美，食落爽口，油香十足，牛舌控忍唔住一块又一块。牛驼峰佢系属于颈背位置嘅肉，见到佢嘅脂肪同肉分布平均，食落嫩身得嚟又有啲幼根，油香同肉味平均。牛坑爪前胸嘅牛肋条，当中有啲筋膜，食起上嚟有脂肪，腍滑得嚟又有啲爽口，食完有阵甘甜香味。黑豚霜降肉雪白嘅松阪猪系肩颈位，肉质好鲜嫩，食落嘅油香适中。乌冬自家制嘅乌冬好幼身，个质地好索汤，乌冬充满住牛骨汤，食落有咬口唔会粉。