JuniJib Dessert (已結業)

餐厅分成两边 一边主打韩式小食 一边做埋甜品。我哋叫咗二人餐C 同埋加一份炸鸡，用木制托盘配上银色嘅餐具，感觉好整齐得来又好韩系🥰年糕比一般大件软身，份量好多好饱肚。辣度系香港人啱食嘅口味～鱼糕虽然睇落有唔同形状，不过其实味道都系一样嘅，最欣赏系佢个汤底😋 识食嘅一定会饮埋汤～炸物款式好多热辣辣，仲可以好似韩剧咁点炒年糕嘅辣汁食🤪特别欣赏鱿鱼同埋紫菜卷～炸鸡系另外加钱买嘅，可惜个炸皮有啲太厚，下次就唔会特别加钱叫啦🫢食完正餐位都唔使转，就去后面叫埋甜品。韩式雪冰系用牛奶冰做底，溶晒之后都唔会水聊聊，系真系牛奶黎㗎！ 哈密瓜配牛奶嘅配搭都相当清新，好适合夏天既甜品🍧