好素純素餐廳

营业中

休息中

因为同行有食素嘅朋友，所以我拣咗呢间素食厨师发板去试吓。前菜有五款，汤品一款，主菜有五款，甜品有两款。前菜嘅川味西瓜凉拌粉皮嘅组合好特别，食落感觉好清新。附送嘅生机水克菲尔酸酸甜甜好开胃。其他几样就正正常常。汤系菠菜山药桃胶纯素忌廉浓汤，听到个名都知会比较滞。饮埋个汤都开始有d 饱。主菜我最钟意嘅系吉列牛油果，外脆内软好好食。仲有一口姜黄汉堡都唔错，个汉堡扒都几似肉。甜品2样我都觉得一般，但如果你钟意玉桂味嘅话，甘笋蛋糕就好岩你。由于有好多样嘢都系淀粉质，食完之后饱到几乎捧住个肚走。不过一次过可以食嘅素食又真系几满足，钟意食素嘅朋友值得一试。