爺爺雞飯 (金百利中心) (已結業)

金百利商场系我其中一个揾食好地方，因近地铁站，又有瓦遮头，唔怕落雨或者晒死人！今晚就去咗爷爷鸡饭，因为突然好想食海南鸡饭又未去过！爷爷海南鸡饭拼马来肉骨茶（$88）呢个一定要试，因为一次过满足我两个要求，海南鸡饭，加埋好耐冇食嘅肉骨茶，鸡肉嫩滑，仲去埋骨、啱晒我哋呢啲懒人！肉骨茶就好多料，有冬菇、杞子，豆卜、金菇，当然仲有两大旧肉骨啦！印度薄饼（$48）薄饼略为油了一点，但咖喱汁好味！咖央多士（$32）今晚嘅甜品就系咖央多士，牛油好厚，配埋甜甜嘅咖央，如果咖央可以多啲应该仲更perfect!桔桔（$11）与冻柠茶（$20）叫咗主食加饮品可以半价又几抵㖞！后来才发觉可以用OpenRice pay app有优惠，有八五折，今次蚀咗添！