都會坊餐廳

营业中

休息中

与女儿出开旺角买东西，想起未带过她去村爷爷食汤饭，便拖她过去，奈何门口已是人龙，鉴于旺角是敏感区域，还是不等，转场去其他餐厅好了，行吓行吓见到这间餐厅，门面正常，反正咁耐冇食过扒，又试试吧！入到去坐低叫嘢食，听到隔离台对话，已深知不妙。我叫了波士顿龙虾拼安格斯西冷牛扒(龙虾好干，牛扒好多筋又好韧，食一块吐番差不多半块出嚟，没夸张，情况真的如此)，亚女叫了鹅肝拼牛柳(鹅肝虽然开始溶，我问亚女牛柳得唔得??佢话还可以，没甚么筋，比我果件好些的)，埋单$384，唔贵、但唔值。下次要食平价牛扒餐，走番入女人街果间老字号度食鹅肝牛柳(一百松D而已)，仲有即开生蚝食，两人价钱都系差不多而已。呢间试一次，见识过就够了，食饱速速跳上的士速速离开旺角。