三公台灣料理 (已結業)

旺角人多车多游客又多，想喺急速嘅节奏下寻找慢生活？讲起慢生活，好自然就谂起台湾菜。嚟到位于旺角嘅三公，餐厅除咗以地道台湾菜做主打，餐厅设计更融入台湾文青风，绝对系一步入魂，从繁忙嘅生活一步走到去慢活嘅步调。香菇贡丸汤看似简单，但其实汤底落足功夫，非常清甜，而香菇贡丸爽口弹牙。台式卤味讲到台湾菜，最钟意就系夜市嘅加热卤味，估唔到三公都有得食！呢碗台式卤味有鸭舌、萝卜、豆腐、水莲、杏鲍菇，每款都够入味，特别钟意非常清甜嘅萝卜，但如果个卤味汁再浓郁啲就更完美。香酥排骨卤肉饭便当卤肉饭绝对系台湾嘅国菜，所以嚟到台式餐厅又点可以唔叫呢？卤肉嘅份量十足，肥瘦均匀，油香丰富，酱汁香浓！至于香酥排骨即叫即炸，够晒松化香口。安平虾卷椒麻拌面便当 拌面加上麻酱，又香又滑，邪恶得嚟够晒满足。至于安平虾卷热辣辣，味道充满咸香，够晒香脆弹牙。柠檬白玉爱玉除咗熟食，餐厅仲有台式甜品，呢个柠檬白玉爱玉，酸酸甜甜，非常醒胃消暑，绝对系私心推介，记住留肚食甜品呀！