影片
更多
2023-03-31
1253 浏览
早前听朋友讲话牛头角开咗间叫「姜妈」嘅木系小清新 Café，据说食物做得唔错，用料高质，所以今日就专登过嚟食餐晏。餐厅以日系和风设计为主调，店内面积颇大，空间宽敞，尽头位置设有格仔屏风式玻璃窗，配以一室浅木装潢，好有日本家庭式餐厅 feel。餐厅主打日式定食和便当，另外亦有两款手作汉堡和一系列特色咖啡、果味手调茶等可供选择。点咗两个一汁三菜定食，套餐包主菜、副菜、味噌汤、渍物和茶饮。酱煎日本黑豚肉眼 ($130)、樱花虾胡麻酱豆腐、海盐焦糖咖啡 (+$18)肉眼大大块，煎得啱啱好，肉质富弹性，油脂分布平均，入口滑嫩又无筋。米饭选用日本国产米，饭粒圆润饱满，食落软糯又有甜味。樱花虾好鲜香，豆腐滑捋捋，配上惹味嘅胡麻酱，开胃醒神。跟餐点咗杯海盐焦糖咖啡，入口咸咸甜甜，带浓厚烘烤风味，非常高质。比目鱼西京烧 ($128)、烟鸭胸蜜柑沙律、青柠冬瓜露 (+$10)鱼肉肥美丰厚，肉质雪白嫩滑，香软又唔嚡口，加上酱汁以白味噌做底，味道甘甜，但又无盖过鱼肉本身嘅鲜味，入口啖啖肉，好滋味。鸭胸份量十足，入口超 juicy，鲜嫩又多汁；沙律菜新鲜爽脆，配上酸酸甜甜嘅蜜柑，令人胃口大增。冬瓜露好 fres
早前听朋友讲话牛头角开咗间叫「姜妈」嘅木系小清新 Café，据说食物做得唔错，用料高质，所以今日就专登过嚟食餐晏。
餐厅以日系和风设计为主调，店内面积颇大，空间宽敞，尽头位置设有格仔屏风式玻璃窗，配以一室浅木装潢，好有日本家庭式餐厅 feel。
餐厅主打日式定食和便当，另外亦有两款手作汉堡和一系列特色咖啡、果味手调茶等可供选择。
点咗两个一汁三菜定食，套餐包主菜、副菜、味噌汤、渍物和茶饮。
酱煎日本黑豚肉眼 ($130)、樱花虾胡麻酱豆腐、海盐焦糖咖啡 (+$18)
肉眼大大块，煎得啱啱好，肉质富弹性，油脂分布平均，入口滑嫩又无筋。米饭选用日本国产米，饭粒圆润饱满，食落软糯又有甜味。
樱花虾好鲜香，豆腐滑捋捋，配上惹味嘅胡麻酱，开胃醒神。跟餐点咗杯海盐焦糖咖啡，入口咸咸甜甜，带浓厚烘烤风味，非常高质。
比目鱼西京烧 ($128)、烟鸭胸蜜柑沙律、青柠冬瓜露 (+$10)
鱼肉肥美丰厚，肉质雪白嫩滑，香软又唔嚡口，加上酱汁以白味噌做底，味道甘甜，但又无盖过鱼肉本身嘅鲜味，入口啖啖肉，好滋味。
鸭胸份量十足，入口超 juicy，鲜嫩又多汁；沙律菜新鲜爽脆，配上酸酸甜甜嘅蜜柑，令人胃口大增。冬瓜露好 fresh，味道唔会过甜，加上微酸嘅青柠，清爽宜人。见到邻桌点嘅便当同手作汉堡，卖相亦非常吸引，下次有机会会再嚟试下。
张贴
