影片
更多
2015-05-01
2554 浏览
五一长假期开始，同屋企人飮茶，特登订咗间米芝莲一星嘅德褔利苑，因为够近，平时去开IFC利苑饮茶，谂住呢间有返咁上下保证，点知中伏！先讲订位，我地订咗12:45枱，但早到咗12:20左右，同reception 小姐讲低个名登记，佢叫我地12:45 再返来因为第一轮未完.... 于是我地12:45返到去，点知超多人... 原来reception 12:45 先开始帮订咗枱嘅人登记同派枱, 于是啲客癫哂喺到争攞位... 我问返reception 先知原来我依家先算登记，头先唔算.... 于是我明明早到变成要排队等廿张枱.... 都算.... 跟住reception 小姐终于皇恩浩荡派枱，但系佢地无system无number净系嗌乜生几位都唔知边个打边个仲要最攞命个reception 小姐鬼咁细声商场又嘈，搞到啲客要一齐迫到好前等派枱，仲惨过去轮米... 好彩最后都系等咗十分钟，唔系一定走人。跟住带位𠮶个staff, 又系一个经典，佢带我地同埋另一个客，先俾咗张窗边枱𠮶个人，跟住我见到隔离有张窗边空枱，就问可唔可以坐，点知佢眼尾都无望下我地就一边话你地𥚃面一边急急脚带我地入去.... 我问佢点
五一长假期开始，同屋企人飮茶，特登订咗间米芝莲一星嘅德褔利苑，因为够近，平时去开IFC利苑饮茶，谂住呢间有返咁上下保证，点知中伏！
先讲订位，我地订咗12:45枱，但早到咗12:20左右，同reception 小姐讲低个名登记，佢叫我地12:45 再返来因为第一轮未完.... 于是我地12:45返到去，点知超多人... 原来reception 12:45 先开始帮订咗枱嘅人登记同派枱, 于是啲客癫哂喺到争攞位... 我问返reception 先知原来我依家先算登记，头先唔算.... 于是我明明早到变成要排队等廿张枱.... 都算.... 跟住reception 小姐终于皇恩浩荡派枱，但系佢地无system无number净系嗌乜生几位都唔知边个打边个仲要最攞命个reception 小姐鬼咁细声商场又嘈，搞到啲客要一齐迫到好前等派枱，仲惨过去轮米... 好彩最后都系等咗十分钟，唔系一定走人。
跟住带位𠮶个staff, 又系一个经典，佢带我地同埋另一个客，先俾咗张窗边枱𠮶个人，跟住我见到隔离有张窗边空枱，就问可唔可以坐，点知佢眼尾都无望下我地就一边话你地𥚃面一边急急脚带我地入去.... 我问佢点解唔可以坐窗口边𠮶张枱，佢又系望都唔望就咁走开咗.... 哑哂... 喂大佬，你张枱有人订咗又好，要最低消费又好，镶金唔俾坐又好你都回应下都得挂...
一肚气，算，嗌嘢食... 我地四个人，我知有啲点心一笼三件，我就问个staff𠮶啲可唔可以改四件，起初佢唔明，话你地写咗一二三... 七件点心㖞 （其实系七款点心），解释完佢明白后，就问边款要四件，咁我就逐様讲啦，讲到芋角，佢突然好激动，攞支笔好大力敲张枱话：呢様本身就四件啦！喂大佬，我鬼知你边款三件边款四件呢，张点心纸又无写，咁都要俾你寸？！最后芋角嚟咗原来都系得三件... 结果我叫返同一个staff叫佢帮我加返件...
其实呢间啲野食OK，保持水准，萝卜糕好味，龙虾汤贵妃泡饭必点（睇相）。不过食到后期差唔多食哂佢好快收哂我地啲野，又催我地埋单.... 去间所谓高级中餐厅service差过屋企楼下茶餐厅，今日成个感觉好似食完大排档，我一定唔会再去！
张贴
