Hunger Burger

营业中

休息中

西九龙广场嘅food court，不嬲选择都几多，只不过唔系样样都啱去做外卖，但系汉堡包拎返屋企食就一流👍👍👍本来想嗌芝士瀑布汉堡包，可惜外卖冇做，如果下次有机会嘅话，一定要叫黎食，见到都吸引呀。1.wasabi吉列猪堡🐷🐷🐷🐷虽然系话吉列猪，但系猪扒嘅肉汁都可以保存得到，另外wasabi酱汁嘅味道唔算太浓，唔会掩盖猪扒嘅味😻😻2. 南亚风香是拉差酱鸡堡🐓🐓🐓叫咗个猪，所以就想叫一个鸡，两种唔同嘅口味，另外我见到酱嘅名好特别，所以就想叫黎试下，酱汁味道有啲似沙律酱，有啲甜甜地，配搭住番茄同埋洋葱，食落都好开胃。🤤🤤虽然呢次只系叫咗两个包，但系其实系可以配薯条，只不过我哋呢次怕太饱，所以冇配到 。如果大家黎，可以配埋咁就啱啱好喇。