阿麥廚房 (已結業)

呢间餐厅喺铜锣湾，餐厅内环境非常清静，仲有特色布置。我同朋友一行二人点咗两个dinner set。套餐方面有前菜，餐汤，主食，饮品。主菜方面我拣咗香草忌廉三文鱼阔面，同埋德国式咸猪手。前菜则拣左个香煎法国鹅肝配焦糖酒醋蓝莓，同埋大虾占米多。占米多即系多士，有好大只虾够晒新鲜，配上士多食，非常入味。餐汤方面分别拣咗黑松露菌忌廉汤同埋蟹肉南瓜忌廉汤。我非常喜欢蟹肉南瓜忌廉汤，每啖都充满浓郁嘅南瓜味，又唔会太腻。仲有蟹味非常鲜甜。主菜分量非常大碟，香草忌廉烟三文鱼阔面好入味，好creamy，三文鱼亦够新鲜。阔面好够咬口。而个德国咸猪手非常入味，猪手皮外脆内软，配菜嘅薯条份量亦好多，系新鲜薯条两个人食就啱啱好。最后甜品加咗个心太软，切开有朱古力酱流出，够晒热。配上雪糕一流。今餐晚餐可谓非常满足！