小巨蛋 (已結業)

话说呢度都开左好耐，不过都系呢日行过先买杯黎饮啦。呢度既店小二几有礼貌，你谂唔到饮咩既时候。会俾意见你，睇下你想饮边只。因为呢度既饮品选择都几多，睇到眼花啦。黑糖布丁奶茶佢地既奶茶系用黑糖整，唔似平时用果糖。呢个会健康，而且唔会剩系得个甜字。感觉上系几清新，因为个人黎讲我几钟意黑糖既。而个奶茶既茶味都几够，都算系呢头比较好饮既台式奶茶。而当中既布丁好够蛋味，食落好烟韧。感觉真系几好架，而且又唔算太贵。整体上都唔错，又唔会等太耐。而且个奶茶算好饮，实有机会再黎。