影片
更多
2024-09-28
1032 浏览
平时一大班人庆功宴离不开打边炉/食放题，今次人少少都要食放题庆祝🍾！👧🏻就同朋友去咗铜锣湾广场既极尚大喜屋，食物质素每间分店都保持一贯水平，难怪星期一晚上都可以Full House！🌟刺生/卷物食放题其中一个重要环节紧系食刺生！各种鱼类，例如三文鱼、油甘鱼都系新鲜肥美完全冇腥味，各种贝类刺生选择亦不少，赤虾够晒鲜甜😝。迷你海胆手卷既海胆相当鲜甜Creamy，加上少饭量，食多几只回本就岩晒！就算唔食生野，卷物例如黑松露芝士软壳蟹卷、鱼子樱花龙虾沙律卷都系不错既选择。🌟炸物/串烧炸物例如天妇罗、炸鸡翼呢啲对👧🏻嚟讲系必食，天妇罗🍤炸衣够薄，口感够脆唔会觉得油腻，虾刚刚熟口感够爽，好值得Encore。另外牛舌、菠萝🍍串烧都令人印象深刻，牛舌薄切好够腍，菠萝爆汁劲甜又冇渣，当系饭后甜品一流！🌟熟食落咗单但食物未到时，最岩就系出去攞野食，章鱼小丸子/饺子🥟呢啲算系必有，但估唔到连海鲜，例如白烚虾、青口、炒蚬、中式点心都有！另外自己落单仲可以拣避风塘濑尿虾、花雕浸鲍鱼、黄金软壳蟹、瑶柱豆苗、烧乳鸽等熟食🍲，选择众多。濑尿虾够惹味又容易剥壳，花雕浸鲍鱼够软身，黄金软壳蟹系完整一只蟹斩半，配埋黄金炸鱼
🌟刺生/卷物
食放题其中一个重要环节紧系食刺生！各种鱼类，例如三文鱼、油甘鱼都系新鲜肥美完全冇腥味，各种贝类刺生选择亦不少，赤虾够晒鲜甜😝。迷你海胆手卷既海胆相当鲜甜Creamy，加上少饭量，食多几只回本就岩晒！就算唔食生野，卷物例如黑松露芝士软壳蟹卷、鱼子樱花龙虾沙律卷都系不错既选择。
🌟炸物/串烧
炸物例如天妇罗、炸鸡翼呢啲对👧🏻嚟讲系必食，天妇罗🍤炸衣够薄，口感够脆唔会觉得油腻，虾刚刚熟口感够爽，好值得Encore。另外牛舌、菠萝🍍串烧都令人印象深刻，牛舌薄切好够腍，菠萝爆汁劲甜又冇渣，当系饭后甜品一流！
🌟熟食
落咗单但食物未到时，最岩就系出去攞野食，章鱼小丸子/饺子🥟呢啲算系必有，但估唔到连海鲜，例如白烚虾、青口、炒蚬、中式点心都有！另外自己落单仲可以拣避风塘濑尿虾、花雕浸鲍鱼、黄金软壳蟹、瑶柱豆苗、烧乳鸽等熟食🍲，选择众多。濑尿虾够惹味又容易剥壳，花雕浸鲍鱼够软身，黄金软壳蟹系完整一只蟹斩半，配埋黄金炸鱼皮，送酒一流！
🌟锅物
👧🏻同朋友就Share左两个锅物，包括雪花牛肉锅同鲍鱼皇帝蟹皇粥。牛肉锅用上寿喜烧汤底，有几件肥牛、生鸡蛋、豆腐、娃娃菜。而蟹皇粥粥底绵密，除咗有少量蟹肉，仲有啲粟米粒。
🌟甜品
雪糕柜有多款雪糕选择，估唔到连Haagen Dazs最新既Pierre Herme系列都有，紧系要食返一两杯回本！
🌟饮品
饮品选择多到眼花撩乱，普通汽水之外，酒柜仲有Asahi、Somersby 苹果啤、Sapporo 等唔同款式酒类、冷泡茶、珍珠奶茶🧋。另外仲有冻/热清酒🍶、梅酒可以自己斟，真系可以饮饱食醉！
张贴
