漁獲浜燒 (已結業)

今晚应朋友邀请黎到位于尖沙咀的渔获浜烧，是一间新开的居酒屋。环境新浄光猛，交通便利。海鲜好吸引，但成日惊烧唔熟，依度有受过训练的员工一路帮你烧，仲会一路介绍每一件海鲜的特点同产地。烧完连分几多件，点上碟都有指引，好专业。对我依D钟意食但唔钟意做的人黎讲就岩哂。味噌蟹甲罗烧配多士 $78︰系皇牌菜，两个松叶蟹盖已经有蟹膏、蟹肉同味噌，另外仲有一只生的鹌鹑蛋。员工先把烧蟹盖至半熟，再加入鹌鹑蛋搅匀，非常香口，蟹膏、蟹肉味道新鲜，加上脆面包糠，口感一流。特盛渔获浜烧盛合 (4人前) $1628既然有专业人士烧，就食豪D! 依个盛合一上枱已经赢哂，海鲜种类多，又大大件!! 珍宝大虾名符其实，长度有个炉咁长，啖啖肉，弹牙鲜甜。原只鱿鱼有少少盐系表面吊味，再用火枪系表面烧，更爽口又唔会干，新鲜甜美。新鲜鲍鱼系个炉上挣扎，一路烧佢一路扭，好残忍但好新鲜，爽口鲜甜。其他贝类的海鲜都烧得好爽口惹味!以依个价钱，食到咁新鲜的海鲜，咁专业的服务，值得一试。