茶狼 (已結業)

今日食完lunch 见到附近利东街新开左间茶狼好多人等紧 见有时间又口渴就排下啦 店面都算大 有几张台比客坐低慢慢品尝休憩下 原来无乜人排队落单 大部分都系等紧拎饮品茶狼有别于一般台式饮品店既系佢无卖奶茶 极其量系有奶盖茶 主打既系果茶同纯茶 同埋有埋甜品蛋糕 我叫左杯红柚白露茉莉茶 走糖少冰 一饮落去好透心凉 因为佢既冰系碎冰 但未到沙冰 而且茶味浓郁有少许回甘 加上红柚少少酸涩 味道好清新好夹！值得一提有埋长长既茶狼水果胶叉提供 方便饮完果茶仲可以品尝埋d生果 不过胶叉任客拎好似唔太环保呢下次有机会想试下佢甜品同奶盖