新記芝士麵 (已結業)

一向都系新记芝士捞面嘅常客 食过新记嘅芝士捞面，绝对唔可能返转头 亦都好难有第二间嘅芝士捞面超越佢（注：可参详之前于罗麦记的食评中有提过芝士捞丁）今日路经尖沙咀，就即兴再嚟食返个芝士捞面医肚 场内的墙壁都痴满哂相，组成一片众多名人明星嘅集邮相片海 ，系每位嚟食过嘅明星所留低嘅倩影 就算系完全未食过嘅人，都分分钟因为明星效应慕名而来！今日简简单单叫左两个《炭烧猪颈肉捞丁》，亦系呢度嘅必食招牌菜 首先芝士汁够哂「杰身」同浓味，唔会好似其他店铺咁偷工减料沟淡咗。炭烧猪颈肉几香口，虽然未能见证系咪真系炭烧，但食落味道唔差，唔韧唔痴牙 。面底就正正常常爽口口感。不过今日唯一不足系芝士汁太过咸喇 ，以往食咁多次都未遇过呢种情况，可能真系偶有失手！伙记呈上时：捞完之后即刻靓仔哂 最后埋单$88，$44一个芝士捞面，价钱不算平，但起码系食得到质素。以同区嚟讲，已经算得上系物超所值，希望下次再嚟食嘅时候，能够食得返以往嘅水准啦