茶色生香 (天一商城)

营业中

休息中

我喜欢浓味而留香嘅芝士茶，试过内地较出名嘅芝士茶，发觉始终唔够香浓！经朋友介绍呢间茶色生香，佢劲赞呢间饮品多选择，而且味道香浓，见到喺我屋企附近都几方便！买嚟饮吓先！呢间茶色生香有好多水果选择，有荔枝、杂莓、芒果、火龙果、西瓜🍉等！我选择咗火龙果，可惜无货，我就选择咗西瓜，少糖少冰系必然啦！一攞起第一时间先由个盖嘅小窿饮一啖芝士！哗!好香浓又咸香嘅芝士味，加上有厚度嘅口感，香味由口腔直上到达鼻腔，劲香呀！忍唔住饮多几啖芝士先饮西瓜汁🍉！西瓜汁以为系得个色，应该系无乜味，点知真系鲜榨出嚟嘅西瓜汁，好清香又清甜味嘅味道！好幸福呀！喺而家疫情下能到饮到美味而香浓嘅芝士茶，实在难得！初时无谂过一间外貌平平无奇嘅饮品店，原来系卧虎藏龙嘅！仲要啲味道优秀过其他有名气嘅饮品店多多声呀！能够喺屋企附近可以饮到咁好嘅茶实在难得！除咗芝士茶系，仲有其他台式饮品！值得一赞个杯好靓，好代表香港🇭🇰！正正正！