影片
更多
2019-05-23
58 浏览
求婚纪念日，藉住去锦田睇新盘，安排嚟呢间隐匿嘅餐厅 - 崟 食铁板烧。环境好有格调，好宁静。入到去我哋点咗份特上活伊势海老铁板烧二人前$1980一开始侍应就上咗一碗前菜同沙律。前菜系酱油螺，用咗少少酱油同酒调味，最令人意外系块萝卜，除咗完全吸收酱油味，食得到部分螺嘅味道。同平时食嘅沙律唔同，呢度嘅沙律用咗冰菜同莲花茎搭配其他沙律菜。系食紧前菜同沙律同时，师傅就拎咗今日烧嘅海鲜俾我哋睇，分别有龙虾、响螺、帆立贝同白甘鲷。烧帆立贝先系壳上面加入酱油同紫菜，同时间帆立贝放系铁板上烧至金黄色，完成后将帆立贝横切一半再烧。烧好嘅帆立贝放回壳内加入三文鱼子同紫酥花，就变成一道好靓嘅帆立贝铁板烧。火喉掌握得好好，肉质鲜嫩，用三文鱼子、紫菜跟酱油混合出来嘅咸味成功带出帆立贝自身嘅鲜味。烧白甘鲷将鱼皮炸至黄金色再用铁板烧鱼肉，途中加入黑椒调味。鱼肉好嫩，连埋鱼皮一齐食又脆又软，估唔到会有呢种食法，真系第一次见识到。烧响螺睇落好似好简单，但烧既技巧一啲都唔简单。师傅冇多余动作；快烧，落黑椒调味，上碟，仲千叮万嘱我哋快啲食🍴食落去第一个字，爽！因为肉质好爽口，食落去会有声，第二个字，鲜！完全食到响螺本身嘅味
入到去我哋点咗份特上活伊势海老铁板烧二人前$1980
一开始侍应就上咗一碗前菜同沙律。
前菜系酱油螺，用咗少少酱油同酒调味，最令人意外系块萝卜，除咗完全吸收酱油味，食得到部分螺嘅味道。
同平时食嘅沙律唔同，呢度嘅沙律用咗冰菜同莲花茎搭配其他沙律菜。
系食紧前菜同沙律同时，师傅就拎咗今日烧嘅海鲜俾我哋睇，分别有龙虾、响螺、帆立贝同白甘鲷。
烧帆立贝
先系壳上面加入酱油同紫菜，同时间帆立贝放系铁板上烧至金黄色，完成后将帆立贝横切一半再烧。烧好嘅帆立贝放回壳内加入三文鱼子同紫酥花，就变成一道好靓嘅帆立贝铁板烧。
火喉掌握得好好，肉质鲜嫩，用三文鱼子、紫菜跟酱油混合出来嘅咸味成功带出帆立贝自身嘅鲜味。
烧白甘鲷
将鱼皮炸至黄金色再用铁板烧鱼肉，途中加入黑椒调味。鱼肉好嫩，连埋鱼皮一齐食又脆又软，估唔到会有呢种食法，真系第一次见识到。
烧响螺
睇落好似好简单，但烧既技巧一啲都唔简单。师傅冇多余动作；快烧，落黑椒调味，上碟，仲千叮万嘱我哋快啲食🍴
食落去第一个字，爽！因为肉质好爽口，食落去会有声，第二个字，鲜！完全食到响螺本身嘅味道。
烧伊势海老
作为整个餐嘅主角，单凭一张相表达唔到呢道菜系几咁特别同好味。师傅先将伊势海老底部烧至红色，然后头壳抽出将入面嘅膏拎出来加入海胆，两者混合后变成伊势海老最佳嘅调味料，连同肉一齐烧至金黄色。平时食龙虾就算味道好好，肉质都好肉易韧，呢度铁板烧嘅时间掌握得好好，肉质充满弹性，用返本身嘅膏做调味真系一绝，配合得天衣无缝。
烧厚切和牛
食完海鲜，接下来就系烧和牛，平时食铁板烧都系直接将块牛放落铁板度烧，呢度就会事先用和牛脂肪烧出部分油出来先至放和牛落去烧。食落去牛味好重，口感一流，部分牛肉系口腔溶化，系一流嘅享受。
铁板炒饭 + 鲷鱼汤
用铁板炒同平时镬炒出来最大分别系铁板炒嘅饭会一粒粒冇哂水分。简单加入蛋、樱花虾同葱已经好好味。至于鲷鱼汤鱼味好重，成碗汤都系奶白色，如果平时饮开鱼汤一定会好钟意。
铁板炒青菜
最后嘅炒青菜用黑椒少量调味，下面块面包隔走部分油，食落去唔会太油腻。
呢间餐厅铁板烧唔会用好重调味料，相反好强调本身食材嘅新鲜同味道。除咗味觉嘅享受，睇住师傅系前面整料理，都系视觉享受。师傅会根据我哋进食嘅速度调整上菜，令每道菜食嘅时候都系都系最佳状态，今餐饭未婚妻都好满意😋
张贴
