影片
更多
2017-12-05
53 浏览
好耐都无同三五知己食饭啦，今次我地咁难得约得成，当然要揾番间好餐厅聚一聚啦！行经兰桂芳一列餐厅，我地见到一间叫<<Sodam Chicken>>嘅韩式炸鸡店。因为朋友一向钟意食韩国野，加上喺芸芸酒吧中，我地都竟然发掘到韩国餐厅，所以都不约而同决定要入去大食一餐。里面装潢好有异国情调，倒吊嘅酒杯喺黄澄澄嘅灯光照射下，显得格外闪亮。待应静静咁带领我地去到餐馆嘅二楼。当时，餐厅嘅客人数目唔算多，可能因为正值放工时间啦！打开餐牌，我地发现唔少令人垂涎三尺嘅佳肴。朋友打算头盘食得比较清淡，所以叫左一客<<凯撒沙律>>。 沙律里头嘅生菜同番茄非常新鲜，食落有股淡淡嘅田园风味。而涂系生菜上嘅芝士粗酱，更突显沙律嘅欧陆风情。<<芝士薯条拼面包粒>>我地原本纯粹想食煎炸野，先决定叫呢份拼盘，点知佢竟然带到份惊喜畀我地。薯条同面包粒炸到金黄色，食落口香脆无比;香浓嫩滑嘅芝士酱，则赋予拼盘鲜而不腻嘅口感。朋友都忍唔住大赞一番呀！<<蜜糖蒜香焗鸡>>入得黎韩国烤鸡店，无理由唔食番份鸡
行经兰桂芳一列餐厅，我地见到一间叫<<Sodam Chicken>>嘅韩式炸鸡店。因为朋友一向钟意食韩国野，加上喺芸芸酒吧中，我地都竟然发掘到韩国餐厅，所以都不约而同决定要入去大食一餐。
里面装潢好有异国情调，倒吊嘅酒杯喺黄澄澄嘅灯光照射下，显得格外闪亮。
待应静静咁带领我地去到餐馆嘅二楼。当时，餐厅嘅客人数目唔算多，可能因为正值放工时间啦！
打开餐牌，我地发现唔少令人垂涎三尺嘅佳肴。
凯撒沙律
$80
6 浏览
0 赞好
0 留言
朋友打算头盘食得比较清淡，所以叫左一客<<凯撒沙律>>。 沙律里头嘅生菜同番茄非常新鲜，食落有股淡淡嘅田园风味。而涂系生菜上嘅芝士粗酱，更突显沙律嘅欧陆风情。
芝士薯条拼面包粒
$75
8 浏览
0 赞好
0 留言
<<芝士薯条拼面包粒>>
我地原本纯粹想食煎炸野，先决定叫呢份拼盘，点知佢竟然带到份惊喜畀我地。
薯条同面包粒炸到金黄色，食落口香脆无比;香浓嫩滑嘅芝士酱，则赋予拼盘鲜而不腻嘅口感。朋友都忍唔住大赞一番呀！
蜜糖蒜香焗鸡
$140
9 浏览
0 赞好
0 留言
<<蜜糖蒜香焗鸡>>
入得黎韩国烤鸡店，无理由唔食番份鸡肉啦！因为我地早前已经食左炸物，所以呢次选择食焗鸡代替炸鸡/烤鸡。
我地一行3人，叫左半份蜜糖蒜香焗鸡 (一共7件)。甜甜嘅蜜糖，紧紧拥抱幼嫩多汁嘅鸡肉，令成盘蒜香鸡多左一股津甜。
虽然呢份鸡肉认真唔错，不过如果佢地系无骨鸡肉就更perfect啦！
热带风情薄饼
$138
4 浏览
0 赞好
0 留言
最后，我地order左份Pizza作结。
<<热带风情薄饼>>
一个Pizza均匀切成6等份，岩哂我地3个人，因为岩岩好每人2件。虽然薄饼口感同我平时食开嘅，分别唔大;但值得一赞嘅，系佢放系饼头上嘅新鲜菠萝。
以往我食过嘅薄饼，上面菠萝粒大多已经烤到干巴巴，有啲更加系㶶左添。但呢度嘅菠萝咬落口，多汁到飞近舌尖...同其他配料拼凑埋一齐，更加有种互补嘅感觉。
总而言之，今次真系食左一餐「棒呆了」嘅韩国菜。下次有机会，我一定要再黎老兰觅食-- 我指Sodam Chicken 呀！
张贴
