竹壽司 (已搬遷) 新店位置

香港嘅日本餐厅实在系多不胜数，要令人想试完再试，就一定要好出众！而当一向嘴刁嘅同事「大大力推荐」Sushi Ta-ke竹寿司，我就谂都无谂打左去Book位！约左朋友1点食Lunch，入到去，环境一流，格调摩登，就算坐满晒人，整体气氛都好舒服。我地拣左寿司吧台，决定唔睇餐牌，食由师傅发办嘅omakase。拣omakase最睇到师傅嘅心思同功力，而Sushi Ta-ke就绝对无令我地失望！当中有几款好值得推介！其中一样头盘系甜虾+白虾，鲜甜Q弹，唔错 !日本象拔蚌烟韧爽口，上面舖左酸酸甜甜嘅柚子皮，超‧级‧回‧味！其实每次食拖罗都战战竞竞，因为曾经试过希望越大失望越大。师傅系食之前细心提醒我地，拖罗已加左少少盐，唔需再点豉油。一入口，肉质幼嫩，油分丰富，老土都要讲句：入口即溶！赞！牛味浓郁，酥嫩多汁，烧得啱啱好。主菜烧和牛系我另一最爱。赤身寿司，爽润细致，唔会太过油腻，令我对吞拿鱼改观～平时比较少食嘅喜知次寿司，卖相吸引，食落去好爽身，正～不得不推荐嘅海胆寿司。层层叠嘅海胆浓郁甘甜，无腥味，好有after taste。起初以为系蛋糕，听师傅讲原来系玉子！卖相吸引不在话下，食落去鲜甜弹牙，好