泰式食

营业中

休息中

泰式食铜锣湾好嘢食唔小，呢间都已经唔系第一次食，水准keep到，值得推荐黎试下。由于系宵夜咁食所以同朋友叫左唔算多嘢食，只系叫左个飞天通菜，生菜包同埋椰汁鸡汤。侍应服务抵赞，虽然无乜人，但主动带我地去四人枱坐，坐得舒服又方便食嘢。之后讲下食物，飞天通菜每次黎都叫，佢有别于平时泰国食店既马拉盏通菜，佢系用面豉去炒，味道差好远，如果接受唔到面豉既话就要谂谂。之后椰汁鸡汤系我最爱，饮落好甜椰汁味，一饮就饮唔停，如果中意椰汁味就一定要试下佢。之后生菜包份量足味道好，唔需要多讲又系一个必叫既菜。