影片
更多
2024-08-21
7463 浏览
一生悬面 Issyokemen📍旺角通菜街73号地舖众所周知，我同朋友都好钟意食拉面，虽然唔算食得密，但每次见到有新口味或期间限定嘅拉面，都想一齐去试试。藉着一生悬面・拉面祭、旺角店推出牡蛎沾面，整个ig都被洗版，我哋都专登夹咗一日去旺角探店。介绍食物前，我想特别讲下个店名，「一生悬面」其实系取日文「いっしょけんめい」嘅读音命名，呢句意思简单代表努力、拼命、尽全力去做，日本人多数用嚟形容重视做事态度嘅人，或者用嚟表示自己嘅决心。当一间拉面店用呢个词语改店名，可想而知师傅们对自家出品有几大信心，亦因为咁令我哋特别期待造访呢间出名专心一致、做好拉面同沾面嘅「一生悬面」。 💰$138広岛県の牡蛎沾汁面 🦪牡蛎沾汁面配料丰富，炙烧广岛蚝、炙烧豚肉、慢煮鸡叉烧、慢煮豚叉烧、半边半熟蛋、一片烧洋葱同1／4只青柠，一碗全收！呢款沾汁面有冷热面可选，如果想食更挂汁嘅面条，可以好似我哋咁选择热面。因为热面比冷面多咗一次加热嘅工序，所以面条先可以保持冷面弹牙嘅口感，同时变得更能吸附酱汁！偏粗身嘅面条入口柔顺，咬喺口更为Q弹，整体非常挂汁，同超浓郁牡蛎嘅沾汤汁融合！呢款面会比其他拉面店出色，相信系因为师傅更
📍旺角通菜街73号地舖
众所周知，我同朋友都好钟意食拉面，虽然唔算食得密，但每次见到有新口味或期间限定嘅拉面，都想一齐去试试。藉着一生悬面・拉面祭、旺角店推出牡蛎沾面，整个ig都被洗版，我哋都专登夹咗一日去旺角探店。
介绍食物前，我想特别讲下个店名，「一生悬面」其实系取日文「いっしょけんめい」嘅读音命名，呢句意思简单代表努力、拼命、尽全力去做，日本人多数用嚟形容重视做事态度嘅人，或者用嚟表示自己嘅决心。当一间拉面店用呢个词语改店名，可想而知师傅们对自家出品有几大信心，亦因为咁令我哋特别期待造访呢间出名专心一致、做好拉面同沾面嘅「一生悬面」。
[价钱 Price]
💰$138
広岛県の牡蛎沾汁面 🦪
牡蛎沾汁面配料丰富，炙烧广岛蚝、炙烧豚肉、慢煮鸡叉烧、慢煮豚叉烧、半边半熟蛋、一片烧洋葱同1／4只青柠，一碗全收！呢款沾汁面有冷热面可选，如果想食更挂汁嘅面条，可以好似我哋咁选择热面。因为热面比冷面多咗一次加热嘅工序，所以面条先可以保持冷面弹牙嘅口感，同时变得更能吸附酱汁！
偏粗身嘅面条入口柔顺，咬喺口更为Q弹，整体非常挂汁，同超浓郁牡蛎嘅沾汤汁融合！呢款面会比其他拉面店出色，相信系因为师傅更有心思，落足心力炼制牡蛎鲜油，再用嚟捞面，令面条充满光泽唔黏腻之余，净食面条都品尝到日本牡蛎嘅风味。
多层次嘅牡蛎豚骨沾汁以日本金蚝每日自家熬煮，搭配豚骨高汤制成，加上碎洋葱提鲜，味道浓郁，令人回味无穷。将面条沾上浓汁，可以一次过感受到沾汁嘅香甜、浓厚同鲜美！
配料方面，炙烧广岛牡蛎肥美饱满、鲜美甘甜，微微炙烧后更能带出牡蛎天然嘅咸鲜味，亦有外脆内软嘅感觉。满有期望嘅朋友追加咗三片慢煮豚叉烧，连同本身𠮶一片，我哋呢碗足足有四大片豚叉烧！呢个决定真系无错，虽然要加$20，但呢个味道、呢个质素真系值回票价。首先，豚叉烧比较薄身，因采用慢煮技术，所以肉色偏粉嫩，肉质亦更鲜嫩，连带轻轻嘅黑胡椒味，好食到停唔到口！厚身豚肉经过炙烧，所以多咗一份焦香，脂肪存在感不太，入口即化，油香满溢！另一边厢嘅鸡叉烧，亦以鸡胸肉慢煮而成，口感鲜嫩爽滑，感觉比较健康。食面之余，仲可以大啖食肉、大啖食牡蛎，话系世界级享受都不为过！
[价钱 Price]
💰$95
鶏白汤ラーメン 🍜
而我自己就拣咗系上年全新推出嘅鸡白汤拉面，香浓嘅鸡白汤配上嫩滑豚叉烧同鸡叉烧，相比下较为清淡温和，更适合要习惯改食重口味嘅我。系我心目中，鸡白汤拉面稳占拉面排行榜头几位，经常同鱼介豚骨拉面、海老拉面争第一。
我爱食鸡白汤，主要都系个汤底。一般而言，拉面师傅都会采用鸡骨，以长时间炖煮后萃取出高汤作汤底使用。鸡白汤乳白色嘅浓郁来自鸡骨，系炖煮过程鸡骨会释出精华乳化汤底，令汤底变得浓厚、带有独特香气。只要汤底煮得好，配上嫩滑嘅叉烧同半熟蛋，再加埋幼身拉面，就一定食到碗配搭得宜又美味嘅鸡白汤拉面！
讲咗咁耐，其实都系想讲一生悬面嘅鸡白汤拉面唔单只做到上述嘅程度，更因为选用咗两款肉类制成嘅叉烧，令味道、视觉同口感都带来新一番滋味，大家必定要亲身试试！
[价钱 Price]
💰$35
フライトチキン 🍗
至于小食，我哋就拣咗唐扬炸鸡，皮脆肉滑有肉汁，配上日式咸味沙律酱，还原日本地道炸鸡风味！
张贴
