影片
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
一生懸麵 Issyokemen📍旺角通菜街73號地舖眾所周知，我同朋友都好鍾意食拉麵，雖然唔算食得密，但每次見到有新口味或期間限定嘅拉麵，都想一齊去試試。藉着一生懸麵・拉麵祭、旺角店推出牡蠣沾麵，整個ig都被洗版，我哋都專登夾咗一日去旺角探店。介紹食物前，我想特別講下個店名，「一生懸麵」其實係取日文「いっしょけんめい」嘅讀音命名，呢句意思簡單代表努力、拼命、盡全力去做，日本人多數用嚟形容重視做事態度嘅人，或者用嚟表示自己嘅決心。當一間拉麵店用呢個詞語改店名，可想而知師傅們對自家出品有幾大信心，亦因為咁令我哋特別期待造訪呢間出名專心一致、做好拉麵同沾麵嘅「一生懸麵」。 💰$138広島県の牡蠣沾汁麵 🦪牡蠣沾汁麵配料豐富，炙燒廣島蠔、炙燒豚肉、慢煮雞叉燒、慢煮豚叉燒、半邊半熟蛋、一片燒洋蔥同1／4隻青檸，一碗全收！呢款沾汁麵有冷熱麵可選，如果想食更掛汁嘅麵條，可以好似我哋咁選擇熱麵。因為熱麵比冷麵多咗一次加熱嘅工序，所以麵條先可以保持冷麵彈牙嘅口感，同時變得更能吸附醬汁！偏粗身嘅麵條入口柔順，咬喺口更為Q彈，整體非常掛汁，同超濃郁牡蠣嘅沾湯汁融合！呢款麵會比其他拉麵店出色，相信係因為師傅更有心思，落足心力煉製牡蠣鮮油，再用嚟撈麵，令麵條充滿光澤唔黏膩之餘，淨食麵條都品嚐到日本牡蠣嘅風味。多層次嘅牡蠣豚骨沾汁以日本金蠔每日自家熬煮，搭配豚骨高湯製成，加上碎洋蔥提鮮，味道濃鬱，令人回味無窮。將麵條沾上濃汁，可以一次過感受到沾汁嘅香甜、濃厚同鮮美！配料方面，炙燒廣島牡蠣肥美飽滿、鮮美甘甜，微微炙燒後更能帶出牡蠣天然嘅鹹鮮味，亦有外脆內軟嘅感覺。滿有期望嘅朋友追加咗三片慢煮豚叉燒，連同本身嗰一片，我哋呢碗足足有四大片豚叉燒！呢個決定真係無錯，雖然要加$20，但呢個味道、呢個質素真係值回票價。首先，豚叉燒比較薄身，因採用慢煮技術，所以肉色偏粉嫩，肉質亦更鮮嫩，連帶輕輕嘅黑胡椒味，好食到停唔到口！厚身豚肉經過炙燒，所以多咗一份焦香，脂肪存在感不太，入口即化，油香滿溢！另一邊廂嘅雞叉燒，亦以雞胸肉慢煮而成，口感鲜嫩爽滑，感覺比較健康。食麵之餘，仲可以大啖食肉、大啖食牡蠣，話係世界級享受都不為過！ 💰$95鶏白湯ラーメン 🍜而我自己就揀咗係上年全新推出嘅雞白湯拉麵，香濃嘅雞白湯配上嫩滑豚叉燒同雞叉燒，相比下較為清淡溫和，更適合要習慣改食重口味嘅我。係我心目中，雞白湯拉麵穩佔拉麵排行榜頭幾位，經常同魚介豚骨拉麵、海老拉麵爭第一。我愛食雞白湯，主要都係個湯底。一般而言，拉麵師傅都會採用雞骨，以長時間燉煮後萃取出高湯作湯底使用。雞白湯乳白色嘅濃郁來自雞骨，係燉煮過程雞骨會釋出精華乳化湯底，令湯底變得濃厚、帶有獨特香氣。只要湯底煮得好，配上嫩滑嘅叉燒同半熟蛋，再加埋幼身拉麵，就一定食到碗配搭得宜又美味嘅雞白湯拉麵！講咗咁耐，其實都係想講一生懸麵嘅雞白湯拉麵唔單只做到上述嘅程度，更因為選用咗兩款肉類製成嘅叉燒，令味道、視覺同口感都帶來新一番滋味，大家必定要親身試試！ 💰$35フライトチキン 🍗至於小食，我哋就揀咗唐揚炸雞，皮脆肉滑有肉汁，配上日式鹹味沙律醬，還原日本地道炸雞風味！
继续阅读
一生懸麵森仔今日旺角收工，忽然間好想念家鄉:日本🇯🇵就搵左間出名嘅日本🇯🇵拉麵🍜店黎食😉😉拉麵愛好者一定知道呢間店: 一生懸麵❤️🧡佢嘅沾麵更加係熱賣之選！網上紅店真係網上紅店🤣遠遠已經見到門口排有長長嘅人龍。森仔以為要等好耐，但係餐廳🍴限制🚫客人大約吃45分鐘左右，所以都係15分鐘左右就入到店進食😍呢期餐廳🍴大推廣島縣嘅牡蠣🦪沾麵（$138），森仔緊係試下😚佢個牡蠣🦪沾麵十分有誠意！個牡蠣🦪湯汁極濃，滿滿牡蠣嘅鮮甜味，同時帶有特色嘅惹香味🩵滿滿嘅蠔精華，超級正！而配料亦十份充足，除了兩隻炙燒過嘅牡蠣🦪外，仲有三件不同嘅肉類：嫩雞肉，炙燒生牛肉，炙燒叉燒。經由火槍炙燒過嘅配料帶有香脆外皮和香氣，不得了😍而沾麵粗度恰好，彈牙非常，沾上湯汁，森仔真係食唔停口👍🏻👍🏻同場，女朋友👫叫左白雞湯拉麵（$95）呢個又係日本🇯🇵經典嘅拉麵🍜，餐廳🍴成功做到creammy又重嫩雞味道👅比起外間專做白雞湯拉麵嘅餐廳，一生懸麵也有其白雞湯拉麵版本嘅特別性🤌🏻值得一試👌🏻另外，森仔仲叫左兩個小食💙，全部都係熱辣辣上枱，炸得外脆內軟😎：1️⃣章魚燒🐙（$29）燒得香脆可口，滿滿嘅內涵，大大粒嘅章魚粒🤩配上惹味沙拉醬和木魚絲，不得了😌2️⃣唐揚炸雞🍗（$35）此個炸物炸得外脆內軟，雞🐓肉保持應有嘅嫩滑和肉汁，極為難得！而粉層也不會太厚，值得encore ！份量也值得一提，足足有五大件，抵食🙌🏻咁熱嘅天時，都忍唔住點了一個冰凍嘅飲品🥤：SAGE 有氣茶蘋果桂花味（$22）消暑解渴之餘，茶味也出眾，特別是蘋果桂花香在味蕾上帶有回味嘅感覺😙
继续阅读
星期日下午突然下起大雨，窩夫與蝦子餅在旺角女人街找地方避雨兼吃飯。愛吃蠔的窩夫與蝦子餅被「牡蠣沾汁麵」吸引進店。其他沾麵和拉麵看來都很吸引。坐下來看到牆上的海報，有窩夫至愛的白桃烏龍茶。一碗麵一張落單紙，可按個人口味選擇麵的硬度。飲品方面，點了白桃烏龍冷泡茶($20)和蜜桃紅茶有氣茶($22)，原來都是香港製造的，值得支持，個人比較喜歡白桃烏龍冷泡茶。主食方面，點了一碗期間限定的牡蠣沾汁麵($138)，配料非常豐富，有兩隻炙燒廣島蠔，廣島蠔輕輕燒過，口感嫩滑，鮮味十足，肉類有三款之多，分別是慢煮雞叉燒、慢煮豚叉燒和炙燒豚肉，三款當中窩夫最喜歡慢煮雞叉燒，還有半熟蛋、燒洋蔥和青檸。牡蠣豚骨沾汁的蠔味濃郁，不會太鹹，厚度亦適中，一試愛上。另一碗點了海老沾麵($88)，配料有兩塊炙燒豚肉、半熟蛋和青檸。天氣酷熱，選了標準硬度的凍麵，凍麵沒有預期那麼凍，麵條偏粗，掛汁效果不錯，軟硬適中，口感彈牙。清湯底的海老沾汁跟牡蠣豚骨沾汁同樣出色，蝦味香濃，加入大量櫻花蝦，令口感更豐富。小食方面，點了煎餃子($29)，一客五隻，細細隻脹卜卜，薄薄的皮包著切得不太碎的豬肉，口感比免治豬肉好。
继续阅读
唔知大家有冇食過旺角嘅一生懸麵呢？ 之前有個雪糕拉麵好出名，覺得勁好食🤤 但係一直都未試過佢招牌拉麵🍜 所以就決定嚟試吓先😍首先試下呢碗雞白湯拉麵,湯頭清甜又濃郁,麵條彈牙爽口😋 仲有個雞軟骨棒,口感好軟滑,又帶點脆脆嘅感覺,好有層次! 配埋冰涼嘅蜜桃紅茶,果香四溢,碳酸感剛剛好,好清爽又解渴! 🧉另一款就係魚介豚骨沾麵,濃郁咸香嘅湯底,配埋嫩爽嘅麵條,好有層次感,好過癮啊! 🤗小食就食左5粒可愛嘅章魚小丸子,同出邊整嗰啲差唔多,醮咗秘製醬汁之後,更加香濃可口! 🐙 最後再配合一杯清香浪漫嘅白桃烏龍冷泡茶,整體感覺真係齊全到不得了!大家經過旺角都可以嚟試吓！不過都係最期待佢出返雪糕拉麵🤩@issyokemen @foodieyanyannn#一生懸麵 #旺角美食 #九龍灣美食 #荃灣美食 #RAMEN #香港拉麵
继续阅读
🍜旺角人氣拉麵店🍜-今日去咗旺角食一間出名蠔既拉麵舖🍜聽聞佢地既拉麵唔錯😋試完果然有傳聞咁出色🤤特別係推薦佢地既牡蠣沾汁麵-雞白湯拉麵 （$95）熬到奶白色既湯底醇厚😋仲有鮮嫩既慢煮雞胸🐤同大大片既薄切叉燒🐷配上彈牙拉麵🤤令人滿足-牡蠣沾汁麵 （$138）有肥美鮮甜既廣島牡蠣🦪鮮嫩既薄切慢煮叉燒🐷仲有厚切炙燒豚肉🐷配料豐富😋而沾汁濃郁🤤明顯用左好多蠔熬製而成👍🏼掛身得黎香氣撲鼻-唐揚炸雞 （$35）一碟有四件🐤而且外脆內嫩😋香脆得黎裡面肉汁又多👍🏼-📍一生懸麵旺角通菜街73號地舖-
继续阅读
您可能会有兴趣的...