MOS Burger (已結業)

几日前刚刚渡过左一个唔开心既三周年，系乜野三周年就唔多讲喇，对呢度黎讲只系废话，非常巧合之下原来mos汉堡登陆香港都三周年，出左一个三周年记念汉堡，原价19蚊，但三周年头三日优惠价10蚊一个，几抵食又谂住应下景所以外卖一个，果阵下午四点几，我一买完系店门口等既时间就有职员走出黎贴左图中张纸，我好好彩吗？最后一个都买倒，不过以我既心情，都唔多觉得有乜开心。讲返个包，好简单，牛肉汉堡加块芝士，仲有洋葱同埋酱汁，普普通通但可能又几衬我当时既心情，系mos可以10蚊食倒个唔错既包，我谂都难有下次，暗淡的心情中找到一点点喜悦