Parkview (新城市廣場一期)

营业中

休息中

当星期日去完一田百货感恩节，就会清楚明白到香港多人到一个咩地步。好辛苦系人群中走返出嚟，附近间间都要等位，见到呢间a-1旗下嘅餐厅，就拎飞等位试一试。今次行街又系行到已经唔识得肚饿，所以我又再次食甜品当午餐，叫咗个香蕉朱古力雪糕班戟。一上菜，梗系要嗱嗱声食咗个雪糕先。要特别提一提个朱古力雪糕真系唔错，上面仲落咗啲朱古力片令到成个朱古力味道提升。松饼系好厚身嘅，亦都好松软，两块其实我真系食唔晒，最后第二块只系食到一半。食完个人咁冻有少少后悔叫咗杯冻咖啡，咖啡味道普通，朋友话柠檬茶反而几好饮，大家可以一试。