影片
更多
2019-02-05
83 浏览
呢一日想食啲简单又方便嘅嘢，买返屋企慢慢食， 喺将军澳地铁站附近见到有唐记包点，一于简简单单整番个一盅两件，都系唔错嘅选择。人流唔算太多，好快就可以排队买到点心，价钱亦都唔会太贵，十零蚊一个点心，廿零蚊一个盅头饭，都算ok。买到返屋企依然都仲系暖笠笠 。首先试下个鹌鹑蛋烧卖，一盒有三粒，味道都唔错，尤其是鹌鹑蛋软棉棉，加上入面唔会太多肥肉，食落感觉唔会太油腻， 虽然鹌鹑蛋不宜多吃，不过真系忍唔住，见到呢啲怀旧点心就自然想食。而另一个烧卖就有啲唔同，肉质较实净，比鹌鹑蛋烧卖干身，我会比较钟意鹌鹑蛋烧卖。而呢一个系金钱肚加埋萝卜一齐蒸，加上香浓嘅酱汁，食落非常惹味，尤其是金钱肚炆得好冧，吸收晒酱汁好入味，非常唔错。凤爪排骨饭都有番咁上下水准，凤爪味道都好入味，排骨爽口，肉质嫩而有口感， 加埋甜豉油捞饭，好快就可以扫清咗呢一个饭。屋企人就比较钟意食蒸包，尤其是唐记出名嘅香菇鸡包，鸡肉同香菇都大大粒，非常足料，而且整得好软熟，几好。至于沙爹牛肉包就比较少见，一试之下味道都唔错，仲有沙嗲汁好香，不过牛肉有啲碎，如果唔好咁碎，就应该更好味。另外用加配左唐记嘅自家豆浆，豆味都算香浓，唔会太甜，九蚊呢
呢一日想食啲简单又方便嘅嘢，买返屋企慢慢食， 喺将军澳地铁站附近见到有唐记包点，一于简简单单整番个一盅两件，都系唔错嘅选择。
人流唔算太多，好快就可以排队买到点心，价钱亦都唔会太贵，十零蚊一个点心，廿零蚊一个盅头饭，都算ok。
买到返屋企依然都仲系暖笠笠 。
首先试下个鹌鹑蛋烧卖，一盒有三粒，味道都唔错，尤其是鹌鹑蛋软棉棉，加上入面唔会太多肥肉，食落感觉唔会太油腻， 虽然鹌鹑蛋不宜多吃，不过真系忍唔住，见到呢啲怀旧点心就自然想食。
而另一个烧卖就有啲唔同，肉质较实净，比鹌鹑蛋烧卖干身，我会比较钟意鹌鹑蛋烧卖。
而呢一个系金钱肚加埋萝卜一齐蒸，加上香浓嘅酱汁，食落非常惹味，尤其是金钱肚炆得好冧，吸收晒酱汁好入味，非常唔错。
凤爪排骨饭都有番咁上下水准，凤爪味道都好入味，排骨爽口，肉质嫩而有口感， 加埋甜豉油捞饭，好快就可以扫清咗呢一个饭。
屋企人就比较钟意食蒸包，尤其是唐记出名嘅香菇鸡包，鸡肉同香菇都大大粒，非常足料，而且整得好软熟，几好。
至于沙爹牛肉包就比较少见，一试之下味道都唔错，仲有沙嗲汁好香，不过牛肉有啲碎，如果唔好咁碎，就应该更好味。
另外用加配左唐记嘅自家豆浆，豆味都算香浓，唔会太甜，九蚊呢个价钱都唔贵，算系唔错。
张贴
