唐記包點 (港鐵將軍澳站)

营业中

休息中

位於地鐵站門外 地點好方便每次趕時間我都會買今日叫左蒸排骨飯其實覺得佢地啲蒸飯唔錯 夠一粒粒同硬排骨都奄得幾好食相反個雞札我覺得太濃太咸😥點心其實一啲都唔平但係食蒸飯真係好抵$30 食得好飽

最近熱愛黑芝麻產品，唐記個黑麻蓉包一試難忘，差吾多朝朝都去買🤣 黑芝麻蓉超級多，超級香甜，食餡多過包🥹 對比起唐記甜包，最愛既都係黑麻蓉包！吾係間間唐記都有黑麻蓉，所以如果大家見到，就一定要試下！🤤

2022年12月27日將軍澳地鐵站的分店, 呀姐勁冇禮貌!! 我一朝旱去買燒賣想要豉油，比個呀姐串我，話食呢d 燒賣冇人落豉油， 要就一早講啦，都蓋上了， 又要開返。。。 我問 呀姐，但係呀姐你由頭到尾都冇問我要唔要豉油， 又沒有牌仔說明唐記燒賣 不可以落豉油，點解我唔可以落? 及點解我要比你鬧?？？ 仲要比 呀姐鬧我放咩牌仔， 我拎左燒賣走後，  呀姐仲要指住我黎鬧， 個呀姐又唔排名牌。 我想問唐記包點， 我黎買早餐食， 點解我要比你員工指住黎鬧?點解

收銀員超冇禮貌 做錯野連講句唔好意思、對唔住都冇 ，仲要叫客人以後唔好再嚟買飯 ，簡直趕客 ，希望該店主管好好留意職員態度 ，雖然唐記唔係高級餐廳 ，但職員點都要具備應有態度 否則不斷趕客

剛剛在將軍澳地鐵站，買左1隻糯米雞和1份燒賣，我張票是84號，唐記裡面D人，懶懶閒，派86,87,89,都唔派84，我問佢得未，有一位唐記員工，態度極差，佢話唔等得就唔好食，真係未見過咁無禮貌和態度咁差既人，不知所謂

趕時間食晏，最啱就係去唐記，呢度嘅飯一律$28或$32，呢個價錢快餐都未必做到，所以都唔會要求咁多。魚香茄子飯 ($32)餸同飯係分開裝嘅，飯嘅份量都幾多下，不過質感就係痴住一舊舊，要加啲汁撈下先食到。至於個餸，茄子同肉碎份量適中，係略嫌太多油，感覺好肥膩唔太好。相比起$28嘅蒸飯 (例如係北菇雞飯)，佢哋嘅飯粒粒分明唔會一餅餅，同埋多數都會有些少椰菜，所以呢個飯其實性價比唔係咁高，下次再來可能都會買返$28嘅蒸飯。

本來我在將軍澳市中心商場裡面，想購買連鎖快餐店裡面的炸雞塊套餐，當作晚餐裡面屬於「雞肉」那一部分的食品，但是一想起炸雞食品，不容易確保外層口感爽脆，就立刻放棄了。反而位於「將軍澳」港鐵站外面的「唐記包點」裡面，原來也有獨立發售的「雞扎」點心，所以我在購買「咖喱牛腩飯」作為晚餐的同時，也購買了「雞扎」作為配菜。結果「唐記包點」點心「雞扎」裡面的無骨嫩滑口感，裡面還有食到鮮甜肉汁的雞肉，已經成為我今晚晚餐裡面，屬於「雞肉」類別的專屬食品。但是與此同時，我在「唐記包點」裡面購買「雞扎」，發現「雞扎」雖然跟「咖喱牛腩飯」一起被購買，但是「雞扎」實際售價卻沒有因為「咖喱牛腩飯」而獲得套餐價錢優惠。反而我在「唐記包點」購買「咖喱牛腩」和「雞扎」的同時，跟餐購買一罐「可樂」汽水，汽水竟然也有套餐價錢優惠，只賣港幣四元五角而已，感覺汽水價錢比預期反而便宜了。「唐記包點」一份擁有濃厚辣味，牛腩實際份量又算正常的「咖喱牛腩飯」，售價需要港幣三十二元。反而一份只有兩條幼條無骨，而且口感嫩滑的雞肉「雞扎」，售價竟然都需要港幣十八元，「雞扎」的性價比遜色於「咖喱牛腩飯」很多。

係今期唐記新出嘅包🧐🧐之前出個款就係無麻糬嘅，得啲阿華田味餡😆🤩聽講呢款包好搶手，朋友想去買都一直買唔到但今次好難得俾我買到🥳🤣🐒好開心呢個包要襯熱食先好食，入面啲醬係會流出黎，真係做到流心嘅效果🤩☺️☺️入面舊麻糬好煙韌，啲醬都好重阿華田味🥰但略嫌有啲甜，食完有啲想飲水😕最衰無食到佢上次個包，如果唔係可以比較下不過唐記好多包都好好食，之前食芝麻奶皇個啲都好正🥳😎😎🤪🥳

我平時好鍾意食唐記包點嘅蕃薯包燕麥饅頭今日返工前好想食啲飯就諗緊究竟食糯米卷好呀定係食糯米飯好最尾想飽肚啲就食咗個糯米飯 我覺得唐記包點啲糯米飯都幾好食不過今日正得略為有啲淋得滯佢最近出咗阿華田包都仲未試過

最近唐記飽點出左阿華田包同埋阿華田奶茶，見有youtuber大讚味道吾錯，所以專呈搵唐記飽點黎試下。上星期，搵左3間都賣哂奶茶同埋包，屋企樓下果間只入唐包點，無得買。呢日終於比我買到係呢間分店，做左將軍澳人咁耐，都吾知原來呢度有間唐記。阿華田奶茶個樽細細，盛專9蚊，價錢都算合理。味道方便主要飲到阿華田同茶味，奶味反而比一般奶茶少，但個茶底認真吾錯，有回甘味，但無苦澀味，中和左阿華田既飽濟感。阿華田包連個皮都有少少阿華田味。一口咬開，真係有少少流心效果，個饀d阿華田味雖然幾濃郁，但吾太甜，5蚊黎講，性比價超高，不得不試

我是將軍澳居民,明天香港將軍澳將會舉行返修例大遊行。我一直都很喜歡吃包點，尤其是中式蒸點。本來每天要到尚德邨過去買，很不方便，好在對於住在將軍澳中心的我，地鐵站新開了一間唐記包點，方便不過。 每天早上，我都會去買蒸包，最近見唐記包點出了新產品，阿華田留心包，在早餐吃，最好不過，不會太甜，也不會很乾，價錢實惠，七個半一個，買兩個為早餐，加一杯牛奶，健康又美味。另外也買了一盒蒸飯上班吃，28元 又菜又排骨，健康美味。

呢幾日一直睇到好多朋友食唐記x阿華田既流心阿華田包, 今日終於黎食, 另外除左蒸飯仲有新出既咖哩飯添! 我地買完即刻食費時凍, 真係好香阿華田味同埋好足料, 雖然冇facebook睇既咁流心但其實已經好勁, 重點係個包只需5蚊!!! 咩都抵哂啦!我地同時見到咖哩牛筋腩飯,唔使諗即試! 佢整得好似連鎖快餐店既咖哩咁, 夠辣同埋都好多牛筋腩, 個飯亦都係熱辣辣! 同時細心既係成個餐既碗都可以放微波爐加熱, 好方便!另外仲食左糯米雞, 冇諗過有咁多料同埋蒸得好靚, 每啖都係醬汁混埋既味! 奶茶亦都好出色, 比例岩岩好, 尤其奶味好香, 同茶底好夾!

想食點心咁啱就經過唐記例牌必點鳳爪（18）同鮮竹卷（$18）🤤鳳爪汁濃肥美，加上啖啖肉，醒神！鮮竹卷既蠔油汁夠濃夠𠎀👍朋友叫呢個金錢肚（$18）都好大份，口感十足！新出既咖哩牛筋腩飯（$32）圖同現實都冇咩點走樣，牛腩好香咖哩味，係牛筋硬左少少，整體都幾好再點多個菜肉包（$7.5）熱辣辣既蒸包食過都知道唐記好👍唐記黑芝麻豆漿（$9）飲落好清新健康既感覺，價錢公道總結就係便宜夾好味，分店總有間係你左近，未食過既朋友點都要食一次👍

唐記包點最近新出了阿華田系列，趁住今個星期六放假，落街叫外賣，順便試吓先先試吓佢嘅阿華田奶茶，阿華田味幾濃郁，不過記得飲之前要先搖勻佢，唔係d阿華田就會沉晒喺底～比較起唐記包點的原味奶茶，我都係比較鍾意原味多啲，茶底濃，奶夠香檸檬茶係跟餐加一蚊換購的，$45套餐有一盒蒸飯、一籠燒賣和一盒飲品，不過唔係間間唐記包點都有呢個套餐，大家買之前記得要問吓先阿華田包做緊優惠$5一個，大小同其他蒸包一樣，包入面係甜甜嘅流心阿華田醬，嘗甜嘅朋友可以一試～依家買唐記包點嘅阿華田系列，仲有支筆送添～跟餐嘅燒賣又熱又香，一籠有四粒，好味蒸飯方面，我揀了排骨蒸飯，有菜，有豉油，排骨好淋，整體唔錯，好抵食～另外仲買咗個糯米雞俾阿哥食，份量依然好足料，外賣一流之選～

我和家人一直都是蒸飯的忠實fans，很喜歡唐記包點的排骨蒸飯和北菇蒸飯，很多時候我們中午都不會買飯餸，直接在唐記包點買蒸飯回家當午餐，簡單方便，美味實惠。自小就喜歡喝好立克，糖嘅包點最近新出了新的奶茶，為阿華田奶茶，阿華田味濃郁，茶味香，兩者配搭10分美妙，推介一試。早上去買的時候要提早去，比較多人去排隊。尤其是上班時段。唐記包點非常之方便淨係將軍澳已經有三個地方可以買到，另外佢哋嘅包同飯都一路蒸住確保新鮮