Hungry Lobster (已結業)

登龙街都算系美食街，几多特色餐厅。呢间餐厅几特别，好似同龙虾有仇咁，专食龙虾（岩晒我！）店入面既装修行型格风，室内好光猛。天花板既挂饰几吸睛，好似挂左好多条鱼标本。饮品拣左苹果伯爵茶冷压果汁。之前有见过呢只牌子都心思思想试。佢好健康，水果经冷压处理，保留原始既营养。而且唔会过甜，有苹果既原味同茶香。龙虾汤，配一小块蒜蓉包。龙虾味极浓！极浓！极浓！很重要所以要讲三次。唔知佢煮一碗要用几多只龙虾呢？主打！龙虾包配薯条。龙虾包仲配左个龙虾汁，包你一定有龙虾味！见到个包上面有两只大龙虾钳已经好兴奋，入面更加系啖啖肉。而且个包好软好甜，唔系d干硬既法包，唔怕dry！另外，薯条厚身，实心，咬落有饱足感。新鲜炸起，好香脆，不过唔知要爆几多粒飞滋了T^T呢一餐，升华左龙虾。