牛大人台灣火鍋吃到飽 (瓊華中心) (已搬遷) 新店位置

🔍牛大人台湾火锅吃到饱 📍旺角弥敦道628号琼华中心9楼-----趁着天气仲凉凉地，就食返个天气凉特别适合嘅打边炉。牛大人嘅呢间分店系第一次嚟，个场长长方方几宽敞舒服。旺角虽然有两间分店，但由于人气高企，依然都系要等一阵位。客人可以QR code落单，亦都有自助区可以自己攞嘢食，除咗各式肉类之外，海鲜、特色丸类及台湾直送配料都系佢嘅主打。汤底拣选咗剥皮辣椒鸡锅，微微椒香嘅辣味颇令人上瘾，鸡肉亦嫩口，整体味道几有特色。中意食牛肉嘅话可以一战极上和牛吃到饱套餐，爆汁嘅澳州和牛牛丸得呢个餐先食到。而个人好中意嘅西班牙猪梅肉片就唔需要最贵嘅套餐都已经食到。🥢食材方面，极力推介佢地嘅海鲜，爽口鲜甜嘅海虾及嫩口嘅台湾鲷鱼片，仲有饱满无沙嘅新鲜沙白。🥢其他高质嘅食材有嫩滑私房鸭血、弹牙美人花胶、特色紫芋卷、粉绵中带点弹牙嘅芋头贡丸、足料瓜仔鸡水饺、惹味香辣手工川丸子等等，香港火锅店少见嘅花生麻吉烧同芝麻麻吉烧亦好得意，洽完之后外皮富韧性，咸咸甜甜好有趣。🥢等待期间，可以试试一上桌就可以食嘅真猪小香肠，香香甜甜几惹味，好多肉松嘅鱼香皮蛋豆腐亦不错。