一碗麵

营业中

休息中

坦白讲，虽然喺湾仔呢个地段，价钱贵都预咗，但系150至$180一碗面，内心都有啲激动。但当我食完，就心服口服❣️-点了大汤鲜鱼面，同埋腌笃鲜肉面，两碗汤头好鲜甜，份量比一般嘅多，食极都仲有好多面，啲料都唔吝啬。鲜鱼面约有10多件鱼，鱼肉完全无骨，嫩滑厚肉，配合清新雪菜丝同弹牙上海面条，真系冬天最佳comfort food😋食完个心都暖埋。至于腌笃鲜肉面带咸鲜，配料一样俾得好大方，咸肉厚切，最惊喜系豆卜，咬落去系好绵密嘅、有啲似鱼腐，唔会好似平时啲豆卜咁有空气，仲要吸饱汤，真系神仙级。唯一要挑剔嘅就系无笋，作为腌笃鲜好似争紧啲嘢。-最后试埋啲辣油，冇令人失望，虽然唔系好辣，但好香口、香辣有层次，食到豆豉嘅香，令成碗面提升到另一个层次。