影片
更多
2024-11-03
130 浏览
一碗可以连汤都饮晒嘅米线 - 农米庄朋友经常话公司楼下开左间农米庄好好食，于是呢晚大家收工后带埋我去试下～ 店面装潢新颖，以卡位为主，朋友倾计都自在 D，冷气亦好够，综合黎讲环境好舒适！朋友话佢开到凌晨3点，平时收工收得夜都帮佢医肚好大忙 !以前朋友以为食米线一定要辣先好味，但试过农米庄之后就改观！虽然鸡汤米线售价由58蚊至78蚊不等，比起平常既米线的确较贵，但呢个价钱可以饮到靓汤、食到米线，仲有咁多配料，算系抵食！若想平食既话，亦可挑选自选配料米线，价钱都只系由30蚊起 ! 除左其他米线店都有既酸辣、麻辣，呢度仲可以拣各类鸡汤，汤底算多！仲有多款配料可加，配搭算系多元化！简单讲下我地叫左咩野食啦:我叫左怀旧药膳鸡汤米线，要赞一赞啲鸡好滑嫩，汤底绝对可以饮，唔算多味精，朋友叫左酸菜鱼鸡汤米线，完全唔腥，啲鱼仲要无骨，啖啖肉，仲好有正宗北方味道，但系令佢估唔到酸菜鱼同米线又几夹！最估唔到酸辣汤朋友都饮得晒跟餐饮品就同其他餐厅分别唔大，都系出面有既呢度都有，就唔多介绍啦~ 农米庄地址：尖沙咀厚福街2号地舖电话：3596 7908营业时间：07:00 - 03:00
朋友经常话公司楼下开左间农米庄好好食，于是呢晚大家收工后带埋我去试下～ 店面装潢新颖，以卡位为主，朋友倾计都自在 D，冷气亦好够，综合黎讲环境好舒适！
朋友话佢开到凌晨3点，平时收工收得夜都帮佢医肚好大忙 !以前朋友以为食米线一定要辣先好味，但试过农米庄之后就改观！
虽然鸡汤米线售价由58蚊至78蚊不等，比起平常既米线的确较贵，但呢个价钱可以饮到靓汤、食到米线，仲有咁多配料，算系抵食！若想平食既话，亦可挑选自选配料米线，价钱都只系由30蚊起 ! 除左其他米线店都有既酸辣、麻辣，呢度仲可以拣各类鸡汤，汤底算多！仲有多款配料可加，配搭算系多元化！
简单讲下我地叫左咩野食啦:
我叫左怀旧药膳鸡汤米线，要赞一赞啲鸡好滑嫩，汤底绝对可以饮，唔算多味精，朋友叫左酸菜鱼鸡汤米线，完全唔腥，啲鱼仲要无骨，啖啖肉，仲好有正宗北方味道，但系令佢估唔到酸菜鱼同米线又几夹！最估唔到酸辣汤朋友都饮得晒跟餐饮品就同其他餐厅分别唔大，都系出面有既呢度都有，就唔多介绍啦~
农米庄
地址：尖沙咀厚福街2号地舖
电话：3596 7908
营业时间：07:00 - 03:00
张贴
