幸拉麵 (已結業)

餐厅主力就系做拉面 ，离远望过去已经好有日本拉面店嘅感觉。餐厅整体作全落地玻璃，十分通透。装修方面要好日式，用上全木材。餐厅有5个汤底选择，而饮品方面亦有啤酒汽水可供选择。我点左个黑豚大蒜豚骨汤底，配料有肩胛肉，半熟蛋，木耳，大葱，紫菜。另外嗌咗个海老豚骨汤底。虾味味噌豚骨汤附有肩胛肉，半熟蛋，笋干，樱花虾，大葱，紫菜。黑豚汤底个味道好浓厚。汤底一啲都唔稀，熬咗十几个钟先会有哩种厚度。汤底亦有好香嘅蒜味，整体唔会太淡又唔会太咸。刚刚好。面身系细面，硬面身。个人喜欢食硬面所以好啱我口味，半熟蛋整得啱啱好，系日本溏心蛋，个蛋黄好甜。蛋黄岩岩好.拉面再配上紫菜嘅等等既配料，好好味。食到最尾再加咗个面，依然系保持水准够晒热同硬。海老汤底有好浓厚嘅虾味，再配上樱花虾做配料。虾嘅味道更加突出。豚肉本身系薄切，有3块,半肥瘦啱啱好。唔会好油腻，木耳好爽口够晒新鲜。好满足