沁沁麫 (已結業)

自从上次试过招牌沁沁面之后，对那个足料人参鸡汤底一直念念不忘，今日又返嚟帮衬下啦。人天生就系好奇，明明一心想返嚟回味沁沁面，见人哋外卖两个捞面又心思思想试... 叫咗个大胃王秘汁捞面。当然唔少得跟返杯清甜罗汉果茶 。大胃王秘汁捞面，真系无改错名，足足6款配料(特大冬菇、鸡翼、鸡扒、鸡肉肠、西兰花、豆卜)，款款都有两件。上海拉面底软硬适中。所有配料以及拉面底都经过秘制酱汁调味，食落有啲似卤水汁，整体偏咸，不过胜在份量十足，一个女仔真系未必食得晒。食惯浓味嘅朋友可以一试，不过沁沁面始终系my favourite。