影片
更多
2014-06-09
1864 浏览
甚少跑过嚟西环依边揾食，有嘅都喺偶尔一次，就好似依次喺因为对一间网购和牛店试其产品，无理由就咁试几件扒就完架，顺道品尝一吓One Stop嘅意法出品 ，好高兴又跟几位相熟老友有倾有讲，欢渡咗一个晚上。室内装修简约，感觉不拘一格，一边墙上挂咗多张黑白小朋友相，营造出一份艺术色彩；而另一边墙上安置了多个吊柜，摆放住唔少进口食材，显得一份专业。One Stop有提供3道菜晚餐，包括餐汤或凯撒沙律、主菜及甜品，饮品则要另外再点，价钱由$118-$188 + 10%，主要对象都喺中产居多，所以，依个价位其实都唔贵 。就算唔叫晚餐，散叫都有好多选择，由餐汤、前菜、小食、沙律、扒类、主菜、意粉、意大利饭……等等。 意大利农夫包配自家制鲜蕃茄酱 先嚟一篮意式农夫包，外型跟意大利香草包极相似，不过，就无香草，取而代之喺一啲谷麦籽粒，令个包添几分咬口，然而面包亦做得松软；最惊喜喺个自家制鲜蕃茄酱，既鲜香，茄味又浓郁 。 黑松露磨菇忌廉汤 $68 不嬲都对松露、磨菇之类有偏好，所以，黑松露磨菇忌廉汤就合晒口味。虽然，卖相睇得出个忌廉汤比较粗糙，但菌香扑鼻，饮落质滑，由于加咗啲黑松露酱，令个汤
室内装修简约，感觉不拘一格，一边墙上挂咗多张黑白小朋友相，营造出一份艺术色彩；而另一边墙上安置了多个吊柜，摆放住唔少进口食材，显得一份专业。
One Stop有提供3道菜晚餐，包括餐汤或凯撒沙律、主菜及甜品，饮品则要另外再点，价钱由$118-$188 + 10%，主要对象都喺中产居多，所以，依个价位其实都唔贵 。就算唔叫晚餐，散叫都有好多选择，由餐汤、前菜、小食、沙律、扒类、主菜、意粉、意大利饭……等等。
意大利农夫包配自家制鲜蕃茄酱 先嚟一篮意式农夫包，外型跟意大利香草包极相似，不过，就无香草，取而代之喺一啲谷麦籽粒，令个包添几分咬口，然而面包亦做得松软；最惊喜喺个自家制鲜蕃茄酱，既鲜香，茄味又浓郁 。
黑松露磨菇忌廉汤 $68 不嬲都对松露、磨菇之类有偏好，所以，黑松露磨菇忌廉汤就合晒口味。虽然，卖相睇得出个忌廉汤比较粗糙，但菌香扑鼻，饮落质滑，由于加咗啲黑松露酱，令个汤更加芳香馥郁 。
蕃茄浓汤 $68 鲜橙红色嘅浓汤，蕃茄味突出，酸甜开胃，质感亦比起个磨菇忌廉汤柔顺。
烤芝士配香蒜法包 $88 意大利牛奶芝士（Tomino Cheese）都喺第一次品尝，外型有啲似水牛芝士，烤烘后配松脆嘅香蒜法包，质感黏黏软软，淡淡牛乳香，轻怡得嚟几有特色嘅前菜 。
白酒忌廉法国蓝青口 $138卖点就喺用上法国蓝青口，可是，小弟就觉得整碟青口嘅水准一般般啫，白酒忌廉汁较为单薄，酒香不足，而蓝青口比较细只，无乜肉地，犹幸几鲜甜以弥补不足。
黑松露杂菌意大利饭 $138 个人好钟意依一道意大利饭，首先饭粒煮得烟韧已先下一城，其次，饭内混和满满嘅杂菌，啖啖有咬口，口感丰富 ，再者，饭面洒满巴马臣芝士，以及一大撮黑松露酱，香气四溢，浓香吸引，令整个意大利饭每啖都滋味在心头 。
最后一杯柔滑醇香嘅鲜奶咖啡作结，无甜品，都一样满足 。
散叫一道主菜百零二百蚊，无疑点晚餐喺最佳入门之选，除环境舒适悠闲，食物又有一定质素，取价都好合理，所以去开西环，都值得顺道入去一试。
张贴
