車品品小食 (已結業)

出左名要等，7:30pm到，排队入座：等45分钟；落单后，鲍鱼上枱：等10分钟；鱼肉翅：再等14分钟；饮品：再等12分钟；饺及面：再等21分钟，食完埋单走，共花了2小时15分钟。标明＂慢煮＂，值唔值得等真系见仁见智！厨房1人，落单传菜埋单另1人，后来才多一个男人帮下手！彬彬有礼跟食客落单、讲解烹煮需时及不停介绍只猫，你就唔好意思吹佢！－干邑红烧．吉品鲍：同一只汤匙咁上下大，一口食得哂。煮得入味，腍中有咬口。干邑汁唔好嘥，用黎点菜或面食 －鱼肉翅两沟：料十足，包括鱼肉、鸡丝、冬菇丝、粉丝、木耳丝... 汤底不太杰，好味 一个人食哂，一定好饱－山楂金丝蜜枣茶：甜中带酸酸地，够浓味，够冻，较细杯，要饮两杯先够－鲁肉饺：唐生菜底，不少。洒上虾子的鲁肉饺，皮薄，馅多，加上热力散发著虾子的香味，令饺子更可口－招徕大杂面：免伤脑筋，点一个！呢个车仔面真系唔讲得少，上枱时完全见不到面，只见到超过十样𩠌，每样𩠌都用适当的煮法处理：卤、烚、烩... 好味！老板娘见我哋食左一半𩠌时，问洗唔洗加汤，真细心