影片
更多
2014-11-23
3577 浏览
本来同老婆撑枱脚嘅生日饭，因为佢要加班而改期，所以，佢今个生日嘅第一餐庆生饭反而同佢屋企人爬咗头食先。自从佢加入「绿色星期一」行列之后，就连平常食蔬肉、素食都多咗，既然喺佢嘅生日，自然由佢决定食乜，故此，选址荃湾广场嘅「大自然素食」，一来带点新派有啲新意，二来对我哋嚟讲就脚，搭西铁一个站就到。虽然一早订枱，兼提早到场，都要等上10min，可见周日晚嘅大自然素食几咁旺场，亦睇到时下有唔少人喜欢食素，归根究底，素食总让人觉得健康啲 。入到店内，果真全场爆满，原来，都已经将啲枱櫈排得逼逼狭狭，环境虽则喺咁，但总算仍不失雅致，墙上挂上一幅幅水墨画，多添一份平和。除咗散点餐牌，相信唔少客人贪方便而拣「自选套餐」，因为套餐中有一系列自选菜式，比散叫抵啲之余，又甚具弹性。自选套餐分为2人（$188）、4人（$368）、及6人（$548）选择，包小食、汤羹及自选小菜或粉面，另收茶芥及加一。我哋一行5人结果就要个4人自选套餐，包小食1客、汤羹1客及小菜 / 粉面自选4款，另再额外加多碟芋头鱼及炒面，务求生日饭食得丰富一啲，有鸡有鱼 ，老婆话点咁多怕唔怕食唔晒，唔会，有小弟同弟妇两个包底王，一定可以一
虽然一早订枱，兼提早到场，都要等上10min，可见周日晚嘅大自然素食几咁旺场，亦睇到时下有唔少人喜欢食素，归根究底，素食总让人觉得健康啲 。入到店内，果真全场爆满，原来，都已经将啲枱櫈排得逼逼狭狭，环境虽则喺咁，但总算仍不失雅致，墙上挂上一幅幅水墨画，多添一份平和。
除咗散点餐牌，相信唔少客人贪方便而拣「自选套餐」，因为套餐中有一系列自选菜式，比散叫抵啲之余，又甚具弹性。自选套餐分为2人（$188）、4人（$368）、及6人（$548）选择，包小食、汤羹及自选小菜或粉面，另收茶芥及加一。我哋一行5人结果就要个4人自选套餐，包小食1客、汤羹1客及小菜 / 粉面自选4款，另再额外加多碟芋头鱼及炒面，务求生日饭食得丰富一啲，有鸡有鱼 ，老婆话点咁多怕唔怕食唔晒，唔会，有小弟同弟妇两个包底王，一定可以一扫而空啦 ！
醋渍车喱茄 一道极为简单嘅餐前小食，车喱茄入口甜甜酸酸，又爆汁，食得令人好开胃。
凉拌珊瑚草自选套餐嘅小食可3拣1，沙嗲羊肉串、凉拌珊瑚草及香煎菜肉饺子，由于头尾两款都唔会喺真肉，亦都预期喺啲乜嘢，反对中间嘅珊瑚草少接触而较特别，所以，一致拣嚟试试。啡啡黄黄嘅珊瑚草，入口爽爽腍腍，本身无咩味，靠啲油醋汁，整体带点清新。
竹笙鲍鱼鸡丝翅 滋润汤羹同样3拣1，竹笙鲍鱼鸡丝翅、蟹皇冬蓉烩翅及是日明火例汤。虽然做咗无翅之徒，承诺唔食鱼翅，素翅绝对可以例外吧。虽然喺4人餐，份量5位有多，饮完仲可以添。味道普普通通，但够足料，鲍鱼、鸡丝「似层层」 。
自选小菜或粉面，我哋4款都拣晒小菜，包括：三色椒芦笋牛仔肉、松籽糖醋鸭、荷香金针云耳蒸滑豆腐及大自然招牌盐焗鸡。
三色椒芦笋牛仔肉 三色椒只得「两色」，无所谓，因为有好多芦笋，芦笋炒得十分之爽脆，素牛仔肉外观几可乱真，味道当然无可能有肉味，但软腍嘅质感真有几分「肉感」。若有留意，佢哋啲𩠌菜真喺做得少油，好似依碟炒牛仔肉，睇落无乜多余油份 。
松子糖醋鸭 素鸭喺以腐皮裹成，外形绝对跟鸭谈不上，不过切开后睇其横切面，一层又一层嘅腐皮，跟鸭肉纹理又有几分相似。炸好嘅腐皮，淋上五柳酸汁，加啲松子仁便成，其实做法相当简单，但最紧要佢啲素鸭炸得唔过油，再加点酸甜汁，效果理想。
荷香金针云耳蒸滑豆腐 全然一道纯素食菜式，无话咩扮鬼扮马，荷香唔知何来，但简单以豉油佐之，淡雅不寡，况且，云耳、豆腐都喺有益食材，加上前菜爽口，后者嫩滑，清淡换嚟健康，划算啦！
大自然招牌盐焗鸡 晌细阅餐牌时已留意到依道菜，睇佢个「鸡样」咁传真已揸定主意要试。真喺好似整盐焗鸡咁包晒锡纸，一打开咸香味随随散发，最搞嘢有鸡翼，有鸡脾 ，其实正如大部份素肉，都喺豆制品，但入口烟韧，又好有盐焗香味，真喺几过瘾 。
松化芋头鱼 $68 芋头鱼外型明确，炸得色均，附上刀叉方便切成小件，比起用公筷夹到「散修修」嚟得合宜。芋头鱼嘅芋头味好浓郁，无添加嘅味道，而且，芋头搓得够匀够蓉，食落粉香松化 。
豉油皇杂菌炒面 $58 豉油皇炒面如果做得好，本身已经好好食，大自然嘅炒面炒得唔错，面条光泽爽身，食完碟底又唔会净番一滩油，豉油嘅味道亦OK，混入少少菇菌，自自然多份口感。
餐后仲有糖水奉送，绿豆沙，虽然唔值咩钱，但煲得又腍又起沙，清润少甜，有微微臭草香，够晒承意啰！
由于餐厅生意实在好旺，所以，尽可能都想多做一、两轮生意，加上我哋食套餐，上菜速度又超快，而我哋都只喺纯粹食餐饭，都好配合佢哋，话上糖水就顺便埋单，无话晌度打晒趸。服务整体OK，快手快脚，啲侍应做嘢好爽手，食物都好有水准，都难怪咁多人帮衬。
张贴
