影片
更多
2023-03-19
91 浏览
平时黎九龙城多数都系食泰国野, 今晚去左间日本Omakase+割烹, 门面简约和风, 里面装修高雅新颖, 超长云石枱面. 无论枱垫同碟都好靓, 好考究! 呢度既特色系Omakase+割烹, 唔似其他餐厅只供寿司或熟食, 而系同平均提供寿司及熟食, 令食客唔会觉得沉闷, 食得开心!Seasonal OMAKASE+割烹:烧富山湾萤光鱿鱼配蜂蜜芥茉酱一只只萤光鱿鱼串起, 外形好可爱, 配甜甜地既蜂蜜芥茉酱.北海道根室马粪海胆酥一开始就食北海道根室马粪海胆, 真系好特别, 仲要用即烘多士垫底, 配上黑鱼籽, 好钟意呢个前菜!备长炭轻烧马鲛鱼盐烧春鱼配柚子萝卜蓉, 顶配上芽葱, 通透既鱼肉配上通透既器皿, 配搭好靓. 肉质鲜味, 鱼皮有少少咸咸地, 同柚子萝卜蓉好夹.黑鯥, 赤贝, 牡丹虾烟熏黑鯥鱼配芝麻炸蒜酱, 肉质坚, 有咬口, 但绝对唔系韧, 充满鱼既味道, 配芝麻炸蒜酱超好食! 赤贝配wasabi, 赤贝客人面前即开, 超新鲜, 超爽口. 即㓥牡丹虾, 肉质鲜甜Juicy.熟成2周大吞拿鱼配芥茉籽第一次食熟成大吞拿鱼, 上面配芥末籽, 可以减轻油腻感, 平时都系食新鲜大吞拿鱼, 熟成又
平时黎九龙城多数都系食泰国野, 今晚去左间日本Omakase+割烹, 门面简约和风, 里面装修高雅新颖, 超长云石枱面. 无论枱垫同碟都好靓, 好考究! 呢度既特色系Omakase+割烹, 唔似其他餐厅只供寿司或熟食, 而系同平均提供寿司及熟食, 令食客唔会觉得沉闷, 食得开心!Seasonal OMAKASE+割烹:
烧富山湾萤光鱿鱼配蜂蜜芥茉酱一只只萤光鱿鱼串起, 外形好可爱, 配甜甜地既蜂蜜芥茉酱.
北海道根室马粪海胆酥一开始就食北海道根室马粪海胆, 真系好特别, 仲要用即烘多士垫底, 配上黑鱼籽, 好钟意呢个前菜!
备长炭轻烧马鲛鱼盐烧春鱼配柚子萝卜蓉, 顶配上芽葱, 通透既鱼肉配上通透既器皿, 配搭好靓. 肉质鲜味, 鱼皮有少少咸咸地, 同柚子萝卜蓉好夹.
黑鯥, 赤贝, 牡丹虾烟熏黑鯥鱼配芝麻炸蒜酱, 肉质坚, 有咬口, 但绝对唔系韧, 充满鱼既味道, 配芝麻炸蒜酱超好食! 赤贝配wasabi, 赤贝客人面前即开, 超新鲜, 超爽口. 即㓥牡丹虾, 肉质鲜甜Juicy.
熟成2周大吞拿鱼配芥茉籽第一次食熟成大吞拿鱼, 上面配芥末籽, 可以减轻油腻感, 平时都系食新鲜大吞拿鱼, 熟成又系另一种味觉既享受, 有独特味道, 一般大吞拿鱼刺身系俾唔到你!
大船湾真蛎令和怪物用清酒轻轻微蒸, 表面上仍然系生蚝, 但系带有清酒味, 呢只令和怪物真系好大只, 肉质creamy, 加上清酒既香味, 食生蚝既另一层次.
牛骨汁煮熊本和牛小排配清心大根熊本和牛既肉质超冧, 入口即溶, 仲要厚切, 牛骨汁浓郁, 接近浆状既形态, 都唔知用左几多数量既牛骨, 可以咁浓味! 而且个牛骨汁同样入哂去青森大根里面, 融为一体!
清酒煮南非鲍鱼用清酒蒸三小时, 南非鲍鱼已经出名鲍味浓, 仲要配埋本身鲍鱼肝制成既酱, 三重鲜味, 爽口弹牙!
樱花叶蒸鳕场蟹脚纯正新鲜北海道雪场蟹脚, 根本唔需要添加任何调味, 已经鲜味突出, 啖啖肉, 带海水味, 北海道风味!
盐烧北极鳌虾配龙虾汁好少食到北极鳌虾, 仲要起肉盐烧, 配埋用鳌虾羔煮既珍珠米饭, 肉质弹牙! 绝配! 个珍珠饭有D似意粉质感, 好特别!
低温慢煮银鳕鱼配焦糖洋葱汁银雪鱼肉质好滑, 配埋独特既蕉糖洋葱汁, 出奇地夹! 酱汁令鱼味更突出!
汁烧熊本A5和牛烧A5熊本和牛, 同样厚切, 入口即溶系理所当然! 配埋红酒汁, 脆片, 日本西兰花苗, 添加清新, 唔会太腻!
根室马粪海胆饭开头结尾都用上根室马粪海胆, 完美互扣, 马粪海胆果然超上级美食! 鲜甜味美!
葱酱油渍中吞拿鱼腩本身件中吞拿鱼腩已经好靓, 用葱酱油腌渍后, 更带出鱼既鲜味.
穴子用特制酱汁即烧海鳗, 带微甜味, 肉质绵绵的, 用紫菜及日本饭包住, 外面脆卜卜, 里面软绵绵!
樱花虾三文鱼籽釜饭本身已经带海水咸味既三文鱼籽, 配脆脆既樱花虾, 放系日本米饭上, 搅拌后味道已经系一道好完美, 好简单既美食! 只因食材鲜!
刺海参甲鱼平茸清汤用海参, 甲鱼, 冬菇, 苟蒻煮成既汤, 表面睇平平无奇既清汤, 原来味超浓, 吸收所有食材既精华!
静冈蜜瓜, 柑桔, 自家制草莓大福静冈蜜瓜, 柑桔, 草莓大福, 全部生果都超甜, 记得要由蜜瓜起顺次序食!
张贴
