影片
更多
2015-05-24
460 浏览
细细个就听过糖果屋嘅故事，好想现实世界都有一间，可以满足小朋友嘅欲望，大人嘅幻想嘅屋子。系试业期间嚟到Smokey Ice,第一种感觉就系糖果屋。可能系哩到将唔系甜嘅食物都变成甜品，又或者，可能系见到一班年青人整甜品时嘅欢乐笑声，睇到佢地好享受，好似嬉戏紧，但是实又系认真地准备甜品。店舖好细，大约十个位，系等位期间欣赏下个装修。个大大嘅粉红色霓虹灯写住Smokey Ice，简简单单，但却夺目。本来想食牛扒，但最后来份啱啱卖哂，眼白白见住人地食，好羡慕呀！下次一定要早d嚟食。冰极炸猪扒卖相就赢哂。放系日式使当盒，好有诚意。猪扒外皮其实系炸面包，面包面洒左砂糖粒，令外皮脆脆地，而面包唔会太干，炸到烟烟韧韧。中间夹住云呢拿雪糕，雪糕都好滑好香。个层次感好强，外皮脆，跟住到烟韧面包，最后系冰冻滑溜嘅雪糕。不得不提系配上个杂莓酱，佢够哂酸，淋系猪扒上，可以刺激味蕾，加添滋味，好夹！由于大部份甜品都系即叫即做，而且试业期间，人手有限，所以大约都要等十五分钟先有得食。好似个猪扒，真系系个炸锅慢炸而成，而汉堡个包都系要放入焗炉焗到松脆。因为开放式厨房关系，所以可以睇住佢地准备食物，睇住d干冰效果，都唔
店舖好细，大约十个位，系等位期间欣赏下个装修。个大大嘅粉红色霓虹灯写住Smokey Ice，简简单单，但却夺目。本来想食牛扒，但最后来份啱啱卖哂，眼白白见住人地食，好羡慕呀！下次一定要早d嚟食。
冰极炸猪扒卖相就赢哂。放系日式使当盒，好有诚意。
猪扒外皮其实系炸面包，面包面洒左砂糖粒，令外皮脆脆地，而面包唔会太干，炸到烟烟韧韧。
中间夹住云呢拿雪糕，雪糕都好滑好香。个层次感好强，外皮脆，跟住到烟韧面包，最后系冰冻滑溜嘅雪糕。
不得不提系配上个杂莓酱，佢够哂酸，淋系猪扒上，可以刺激味蕾，加添滋味，好夹！由于大部份甜品都系即叫即做，而且试业期间，人手有限，所以大约都要等十五分钟先有得食。好似个猪扒，真系系个炸锅慢炸而成，而汉堡个包都系要放入焗炉焗到松脆。因为开放式厨房关系，所以可以睇住佢地准备食物，睇住d干冰效果，都唔会闷亲。
雪糕汉堡卖相又系无得弹，以木板上，玩味十足。雪糕可自选，择左朱古力同士多啤梨味，虽然俾错左云呢拿，但错有错著，云呢拿最夹汉堡包。
当咬完一啖，终于明白点解个汉堡包要焗咁。个包又香又酥脆，如果太高温焗就会焗㶶外皮，所以要系适合嘅温度下先做到唔㶶但又脆，而需要嘅就系时间。焗好嘅汉堡会立刻加入雪糕，为求逼真，仲会系雪糕面加上吉士酱营做芝士嘅效果。睇个汉堡好的骰，但要一口咬都要好似食巨无霸咁张大嘴巴。汉堡够热够香脆，雪糕够滑够冻，又系层次感嘅效果。不过汉堡要衬热食，因为食完第一个，第二个雪糕已经溶得几多。两个人share嚟食会好d。另外，亦有配上酥脆饼干条扮薯条，几有诚意呢！睇住一班年青人即使再忙，都系开开心心咁整甜品，令人食得份多舒畅！
张贴
