三點三冰室

营业中

休息中

入嚟坐低,发现个风口吹到正,同一位带眼镜男仔职员讲: 唔该,我个位风口吹到正,可唔可以转另一个位?佢话等等。我见有几张二人台执梗台,谂住可以转过去,结果,佢冇同其他职位高啲嘅职员讲,而出面叫号嘅职员不停入客。我见仲有两张二人台,就再问多次带眼镜职员,佢冇理我。我问另一位女职员,佢态度好差话:搅细咗啦。但我发现啲风都系好大,我就话:唔好意思,都系好大风,我未叫野食架,有冇另一张台?女职员话:冇位喇,已经搅细咗。我同行朋友话,算啦,快快食饱走啦。我点餐后,食物好快上台,首先上咗我𠮶碗蕃茄猪扒通,唔热嘅,之后上咗葱花炒蛋丹麦酥,唔热嘅。我朋友叫嘅焗饭,呢个热嘅。到最后,两杯热即磨咖啡到咗,两杯都唔热,暖嘅,而且冇乜味,7-11同M记仲好饮好多!我朋友同一位职员讲: 呀小姐,杯咖啡岩岩上台,唔热嘅?你摸吓个杯。个职员好晦气拎走咗,但转头再嚟𠮶杯,似系加咗啲热水落去咁,比之前更加冇味!呢间野,一次都嫌多!喺呢个场嚟讲,可能因为算系平,而多人等位帮衬,但系,咁嘅态度同出品,只会搅死自己,连工都冇得做!希望佢公司可以睇到个评语,重新培训吓内外嘅员工。