拉麵Jo (已結業)

12点几入座，两个人，都得4人枱…我见二人卡位个客已经食完，就同侍应A讲一阵调过去，费事霸住张4人枱…过多阵二人卡位个客走，我起身行过去，侍应B带住两个客坐入去，我不停同佢讲「唔该唔该…」，佢大大声话「等阵等阵」，又用手挡住我…两个新客已经坐低，我费事同佢嘈…而佢「等阵等阵」完之后冇再理我…过多阵，开始人多，侍应A叫我如果一齐有人要坐埋一边，我咪话一早讲咗调枱，你同事头先唔俾我调枱呀！侍应A知衰冇再叫我郁…食完埋单，侍应B放低张单1秒都冇，同我讲「快啲」，我以为自己听错，我问佢「你叫我快啲吖？」，佢仲话系，人手唔够叫我快啲，check价钱就得…我唔系望住张单check成分钟㖞！真系1秒都冇！依家我食澳牛吖！有啲咁嘅侍应以后都唔帮衬！拉面一般，叉烧比较少，又薄，加辣都要俾多$15，而且menu上好多野都冇，如蒜油拉面、饺子…总之冇下次！