影片
更多
2024-10-31
1738 浏览
今晚试咗呢间锅心海鲜点心专门店，食到一肚气，充满赶客feel，唔嚟无损失，惠顾完呢次应该有啲客人下次唔会再嚟帮衬。呢间餐厅乏善足陈的情况总结如下：首先，OpenRice 出现个预约电话系假的，打极无人接，大家可以悭返。由晚上五点五十五分已有约十三人排队等位，等到晚上七点左右先有四人枱可以入座，店员只顾安排二人枱，有三枱二人客迟嚟先入座。餐厅入座安排有D胡乱来。其次，见到隔离枱客有落错单（明明无叫鲜竹卷，但又想放低笼鲜竹卷比个客）及有漏单（漏咗蒜蓉蒸鲜鱿）嘅情况，各店员仲发挥「呢单嘢唔系我跟开」嘅工作精神，纷纷话唔知。第三，免费的茶水，淡而无味，应该系同一个茶包反覆冲咗许多次，令到冇晒茶味。如果要每位收茶钱嘅话，就一定要投诉。第四，点心落单混乱，出现迟嚟先上岸的情况。有三枱较迟入座顾客所落单嘅点心食物，竟然快过几枱较早已经入座顾客有食物可供食用，有较早入座的顾客等了超过30分钟都系无嘢食，差啲想拍枱走人。比钱买难受！第五，食物偏咸，调味料盖过海鲜嘅鲜味，感觉就似食紧调味料多过食紧海鲜。第六，可以落单食到想食的点心全部靠彩数！晚上八点后，有客人落单想叫笼仔荷叶蒸多宝鱼，职员话冇，想叫蒸奶皇
呢间餐厅乏善足陈的情况总结如下：
首先，OpenRice 出现个预约电话系假的，打极无人接，大家可以悭返。由晚上五点五十五分已有约十三人排队等位，等到晚上七点左右先有四人枱可以入座，店员只顾安排二人枱，有三枱二人客迟嚟先入座。餐厅入座安排有D胡乱来。
其次，见到隔离枱客有落错单（明明无叫鲜竹卷，但又想放低笼鲜竹卷比个客）及有漏单（漏咗蒜蓉蒸鲜鱿）嘅情况，各店员仲发挥「呢单嘢唔系我跟开」嘅工作精神，纷纷话唔知。
第三，免费的茶水，淡而无味，应该系同一个茶包反覆冲咗许多次，令到冇晒茶味。如果要每位收茶钱嘅话，就一定要投诉。
第四，点心落单混乱，出现迟嚟先上岸的情况。有三枱较迟入座顾客所落单嘅点心食物，竟然快过几枱较早已经入座顾客有食物可供食用，有较早入座的顾客等了超过30分钟都系无嘢食，差啲想拍枱走人。比钱买难受！
第五，食物偏咸，调味料盖过海鲜嘅鲜味，感觉就似食紧调味料多过食紧海鲜。
第六，可以落单食到想食的点心全部靠彩数！晚上八点后，有客人落单想叫笼仔荷叶蒸多宝鱼，职员话冇，想叫蒸奶皇包，职员又话冇，想叫蒸扇贝，职员又话冇。送客人三个失望。笑咗！
呢呢餐厅似乎只喜欢招待二人入座嘅顾客，因为超过二人嘅顾客，系要惩罚性等耐啲先可以入座。现场观察四人枱坐四个人系迫逼涩涩。相反，二人入座嘅顾客，职员多数会安排四人枱比二人顾客入座。奇怪安排。
张贴
