北方餃子源 (榮華商業大廈) (已結業)

本人一向好少打食评, 但今日我o系呢间铺头所遇到既问题，一定要告知网友。 事缘今日我同两个同事系该店食ｌｕｎｃｈ，我本人叫了一碗芹菜水饺面酸辣汤底($53)。进食期间一直都冇乜问题，但到最后接近食完之际，我系碗底发现左粒椭圆形物体。我在初期本以为系食材一部份，但睇真ｄ亦同时叫埋同事帮眼睇，粒野有头有脚，形状甚似昆虫。我就同佢地侍应投诉, 个侍应话口未完就收左我碗野话比厨师睇。我就即刻去柜位同佢地负责人投诉，点知佢竟然话厨师同佢讲系木耳丝黎。之后完全冇悔意, 冇道歉亦无任何表示，就咁叫我埋单。此事实在太令人气忿，为了各食家健康著想,我亦必需将此事件分享,以免有人再中招。