影片
更多
2009-02-27
40 浏览
2009年2月1日晚饭 – 粗菜馆(九龙城)一直都希望重拾读书时代到粗菜馆食饭的回忆, 可惜事与愿违…是晚与男友到又一城睇完波儿后, 特意到九龙城来帮衬粗菜馆, 却大失所望, 以后一定唔会再去… 只点了两个𩠌, 谂住食住先再叫, 点知d食物水准令我地大为却步, 真系唔再叫得落手…1. 蔡澜咸鱼酱茄子煲 – 咸鱼酱完全唔够味, 唔够咸亦冇咸鱼既香味, 自问都唔算系食野要浓味的我, 都嫌味道不够, 可想而知真系好差…茄子亦煮得唔够腍, 唔够味又唔够腍, 点算得上叫茄子煲…我地好肯定屋企楼下既茶餐厅或者大排档 $30/$40既货色都一定煮得好味过佢, 就算买李锦记既鱼香茄子酱料包返屋企自己煮, 都一定会好食过佢, 起码一定会够味同够香… 2. 招牌炒猪什 – 就系为左呢个招牌菜而来的, 同时亦因为呢个招牌菜决定以后都唔帮衬… 对上一次食我想都已经是数年前的事, 但仍然记得当时既镬气, 姜葱的香味, 以及猪什的爽口…我想就算没有以前的水准作对比, 未食过的人都会食得出而家既水准系有几差…有姜有葱但炒唔出它们既香味, 看相片大家都应该睇到猪什炒到湿淋淋, 食落黏口, 怪怪的, 最离谱既系d猪什
一直都希望重拾读书时代到粗菜馆食饭的回忆, 可惜事与愿违…
是晚与男友到又一城睇完波儿后, 特意到九龙城来帮衬粗菜馆, 却大失所望, 以后一定唔会再去…
只点了两个𩠌, 谂住食住先再叫, 点知d食物水准令我地大为却步, 真系唔再叫得落手…
1. 蔡澜咸鱼酱茄子煲 – 咸鱼酱完全唔够味, 唔够咸亦冇咸鱼既香味, 自问都唔算系食野要浓味的我, 都嫌味道不够, 可想而知真系好差…茄子亦煮得唔够腍, 唔够味又唔够腍, 点算得上叫茄子煲…我地好肯定屋企楼下既茶餐厅或者大排档 $30/$40既货色都一定煮得好味过佢, 就算买李锦记既鱼香茄子酱料包返屋企自己煮, 都一定会好食过佢, 起码一定会够味同够香…
2. 招牌炒猪什 – 就系为左呢个招牌菜而来的, 同时亦因为呢个招牌菜决定以后都唔帮衬… 对上一次食我想都已经是数年前的事, 但仍然记得当时既镬气, 姜葱的香味, 以及猪什的爽口…我想就算没有以前的水准作对比, 未食过的人都会食得出而家既水准系有几差…有姜有葱但炒唔出它们既香味, 看相片大家都应该睇到猪什炒到湿淋淋, 食落黏口, 怪怪的, 最离谱既系d猪什竟然系冻既, 真系好失败…唔知系唔系过年关系, 师傅们都仲放紧假…但话明呢个系招牌菜, 点可以随便炒到咁既样都照俾客食…
枉我仲满心欢喜去帮衬, 结果愈食愈唔开心…唔怪之好多人话蔡生的推介食店好多都保持唔到水准, 以前都唔觉得, 但系呢次既经验正正就系一个好好既教训, 而家唔到我唔信喇!!!
张贴
