華豐海鮮菜館

营业中

休息中

通常去观塘，唔知食咩好嘅时候，就会去呢度，因为选择真系好多好多，样样都想食，净系睇餐牌，都可能睇20分钟，煎炸小食，各式各样嘅海鲜，炒小菜，样样齐，门口都有游紧水嘅海鲜可以选择，基本上，你想点样食点样煮，问个侍应，佢都答到你有冇，选择真系好多元化。所以每次嚟，都会尽量试唔同嘅小菜，好食嘅，下一次就再嚟食，呢度好适合同几个朋友聚会、倾偈、饮酒，有几部大电视机，睇电视剧、睇波都可以，闲日嚟，会比较清静，周末就会比较热闹比较多人虾多士、南乳猪手、牛肉海鲜火锅，都好推介试，因为之前食过，味道够、分量大、真系算好食。特别系火锅嘅海鲜同牛肉，非常新鲜。鸡煲、羊腩煲，之前试过，冇乜特别。煎炸食品，试咗好多，不过不失，胜在选择多，不过味道唔算特别，有好多外面未见过嘅小食，呢度都有，钟意食脆口野嘅朋友，岩晒。炒小菜，镬气够，份量大，好足料。而且我觉得呢度价钱合理，比起出面食过好多类似嘅餐厅，呢度就算食到好饱好饱，都系$200一个人左右。提提大家，呢度只收现金，所有电子付款都无嘅。