利豐園韓國料理

营业中

休息中

今晚去开旺角买野，行行下突然想食韩国菜，但又唔想食连锁店既，想试下新野，行到内街见到呢间韩国菜，睇落有小店既感觉，就决定入黎试下。环境唔算太大，食物既价钱都中规中举，睇完餐牌之后，叫左两个石锅汤配饭既餐，一个系辣牛肉汤，一个系辣海鲜豆腐汤，落左单之后先上前菜。前菜味道就一般啦，唔算太出色等左一阵，两个锅就到喇，可以食得，卖相都唔错，辣牛肉汤入面有芽菜，粉丝，小小既牛肉，不过牛肉就有啲老，但系个汤既味都系正常既辣汤味。个豆腐汤就几足料，有虾，蚬，鸡蛋，豆腐等等，味道都还可以，两个汤既份量都唔少，都唔差既。