食代館 (MOKO新世紀廣場) (已結業)

谂住去moko嘅food court，食嘅嘢应该唔会好伏，但其实质素都只系一般般。叫咗档台湾嘢食，呢个系盐酥鸡扒炒面，配一碗汤。我都真系唔知呢碗系汤定系水，非常淡冇味道，汤入面都只系有一细粒红萝卜，完全唔知饮紧乜落肚。呢个盐酥鸡好干，肉质较柴，皮厚，鸡又冇乜味道；面又非常之油，又好似冇乜调味咁，完全唔觉得咸，成个面都唔系好好食。个food court都好多人，环境都比较迫，都唔系一个好理想嘅进食地点。