川味雞烤魚大王 (大河道)

营业中

休息中

麻辣君生日，本来想同佢食附近煲仔饭，不过叫得麻辣君，都系㨂左食川菜。今日放假，可以约早啲食饭，6点半去到都仲有位，之后7点几开始听到职员同客人讲要等位。我地两个食量唔多，本来谂住挑战啲凉拌小食就够，但系人地餐厅食鸡煲无理由唔叫番个。先黎个红油抄手，可能我钟意云吞皮厚啲，我觉得都可以，凉拌牛柏叶同海蜇，味道无咩特别。中辣鸡煲黎到，哈哈，劲多干椒同辣油，半只鸡份量唔多，啲鸡腌得都有味，煲入面仲有好多葱头同青椒，不过我系小新，唔食青椒。既然有煲就唔好嘥，梗系要追加啲最吸味嘅蔬菜，然后就加左金菇，油麦菜同响铃，麻辣君话啲菜劲吸辣，一路食一路话辣，唔知我个辣底系咪由苏洲嘅海底捞开始打起无停过辣，今晚啲野无麻辣君讲到咁辣，我食到辣中带甜味多啲。